ନିକଟରେ ରବିବାର ହୋଇଥିବା ଭୟଙ୍କର ବିସ୍ଫୋରଣରେ ୨୫୩ ପ୍ରାଣହାନି ଘଟିଥିବା ବେଳେ ୫୦୦ରୁ ଅଧିକ ଆହତ ହୋଇଥିଲେ। ଏହି ଘଟଣାରେ ପୋଲିସ୍ ଅନ୍ୟୁନ ୫୮ ଜଣଙ୍କୁ ଗିରଫ କରି ସାରିଛି। ଶୁକ୍ରବାର ଶ୍ରୀଲଙ୍କା ରାଷ୍ଟ୍ରପତି ମୈତ୍ରିପାଲା ସିରିସେନା କହିଛନ୍ତି ଏହି ଆକ୍ରମଣଳରେ ଆଇଏସ୍ ଲିଙ୍କ ରହିଥିବାର ସୂଚନା ମିଳିଥିବା ବେଳେ ଆଇଏସ୍ ଲିଙ୍କ ଥିବା ୧୪୦ ଜଣ ଅପରାଧୀଙ୍କ ସନ୍ଧାନରେ ରହିଛି ଶ୍ରୀଲଙ୍କା ପୋଲିସ୍। ସିରିସେନାଙ୍କ ସୂଚନା ଅନୁଯାୟୀ ୨୦୧୩ରୁ ଶ୍ରୀଲଙ୍କାର ଯୁବଗୋଷ୍ଠୀ ଆଇଏସ୍ ଆତଙ୍କୀଙ୍କ ସହିତ ସମ୍ପର୍କ ରଖିଛନ୍ତି। ଏନେଇ ଏବଂ ରବିବାର ସଙ୍ଗଠିତ ହୋଇଥିବା ଆକ୍ରମଣ ନେଇ ପୋଲିସ ଏବଂ ପ୍ରତିରକ୍ଷା ସଚିବଙ୍କ ନିକଟରେ ଗୁଇନ୍ଦା ତଥ୍ୟ ରହିଥିବା ବେଳେ ଉଭୟ ଏହାକୁ ଲୁଚାଇ ଥିବାରୁ ଉଭୟଙ୍କୁ ବହିଷ୍କାର କରାଯାଇଛି। ପୂର୍ବରୁ ଏହି ଆକ୍ରମଣରେ ୩୫୯ ପ୍ରାଣହାନିର ସୂଚନା ଦିଆଯାଇଥିବା ବେଳେ ଆଜି ପୁନର୍ବାର ଗଣନା ପରେ ଏହି ସଂଖ୍ୟା ୨୫୩ ବୋଲି କୁହାଯାଇଛି।
