କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡରେ ଦିନକୁ ଦିନ ହାତୀ ଆକ୍ରମଣରେ ବହୁ ବ୍ୟକ୍ତି ମୃତ୍ୟୁ ବରଣ କରୁଥିବା ବେଳେ ହାତୀକୁ ନିୟନ୍ତ୍ରଣ କରିବାରେ ବନବିଭାଗ ଯେତେଚେଷ୍ଟା କଲେ ମଧ୍ୟ ବିଫଳ ହେଉଛି। ଆଜି ଦିନ ଦି ପହରରେ ହିତସରା ଜଙ୍ଗଲ ନିକଟରେ ଜଣେ ବ୍ୟକ୍ତିକୁ ହାତୀ ଦଳିଚକଟି ଦେଇଥିବା ଖବର ହସ୍ତଗତ ହୋଇଛି।
ବେସରକାରୀ ସୁତ୍ରରୁ ଜଣାପଡିଛି ଯେ, ହିତସରା ଗ୍ରାମର ଦୟାନିଧି ସାହୁ (୬୫) ଏବଂ ତାଙ୍କ ପୁତୁରା ସୁଦାମ ସାହୁ ରାଇଲ ଗ୍ରାମର ନିଜ ସଂପର୍କିୟଙ୍କ ଘରକୁ ବାହାଘର କାମରେ ଯାଇଥିଲେ। ଆଜି ରାଇଲରୁ ଗୋରୁ ଧରି ଫେରୁଥିବା ବେଳେ ଦୟାନିଧି ହାତୀ ହାବୁଡରେ ପଡିଯାଇଥିଲେ। ଦୟାନିଧିଙ୍କୁ ହାତୀ ଆକ୍ରମଣ କରିବାରୁ ସେ ଗୁରତର ହୋଇପଡିଥିଲେ। ତାଙ୍କ ସାଥିରେ ଥିବା ପୁତୁରା ସୁଦାମ ସାହୁ ହାତୀ ଠାରୁ ଅଳ୍ପକେ ବଂଚିଯାଇଥିଲେ। ସେ ହାତୀ କବଳରୁ ଘରକୁ ବହୁ କଷ୍ଟରେ ଆସି ସବୁ କଥା କହିବାରୁ ପରିବାର ଲୋକେ ବନ ବିଭାଗକୁ ଜଣାଇଥିଲେ। ବନବିଭାଗର ଫରେଷ୍ଟର ତଥା ଅନ୍ୟକର୍ମଚାରୀମାନେ ସେ ଜଙ୍ଗଲକୁ ଯାଇ ଦୟାନିଧିଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ।