ଚଣ୍ଡିଗଡ: ପଞ୍ଜାବର ନୂତନ ମୁଖ୍ୟମନ୍ତ୍ରୀ ଭଗବନ୍ତ ମନ ଆଜି ଭଗତ ସିଂଙ୍କ ଶହୀଦ ଦିବସରେ ଦୁର୍ନୀତି ନିବାରଣ ହେଲ୍ପଲାଇନ ନମ୍ବର ଜାରି କରାଯିବ ବୋଲି ଘୋଷଣା କରିଛନ୍ତି। ପଞ୍ଜାବର ଲୋକମାନେ ହ୍ ହ୍ବାଟସ୍ ଆପ୍ ରେ ଦୁର୍ନୀତିର ଅଭିଯୋଗ ପଠାଇବାକୁ ସମର୍ଥ ହେବେ। ସେ ଟୁଇଟ୍ କରି କହିଛନ୍ତି ଯେ, ମୋର ବ୍ୟକ୍ତିଗତ ହ୍ବାଟସ୍ ଆପ୍ ନମ୍ବର ରହିବ। ଯଦି କେହି ଆପଣଙ୍କୁ ଲାଞ୍ଚ ମାଗନ୍ତି, ତେବେ ଏହାର ଏକ ଭିଡିଓ / ଅଡିଓ ରେକର୍ଡିଂ କରନ୍ତୁ ଏବଂ ଏହାକୁ ମୋ ପାଖକୁ ପଠାନ୍ତୁ। ଦୁର୍ନୀତିଗ୍ରସ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ମାର୍ଚ୍ଚ ୨୩ ତାରିଖରେ ଏହି ନମ୍ବର ପ୍ରକାଶ ପାଇବ ବୋଲି ଭଗବନ୍ତ ମନ କହିଛନ୍ତି। ୯୯ ପ୍ରତିଶତ ଲୋକ ସଚ୍ଚୋଟ ଅଟନ୍ତି। କିନ୍ତୁ ୧ ପ୍ରତିଶତ ଲୋକଙ୍କ ସିଷ୍ଟମକୁ ନଷ୍ଟ କରିଦିଅନ୍ତି। ସେ କହିଥିଲେ ଯେ, ମୁଁ ସର୍ବଦା ସଚ୍ଚୋଟ ଅଧିକାରୀଙ୍କ ସହ ଛିଡା ହୁଏ। ବର୍ତ୍ତମାନ ପଞ୍ଜାବରେ ସାପ୍ତାହିକ ଚାନ୍ଦା ବନ୍ଦ ହେବ। ସାପ୍ତାହିକ ଚାନ୍ଦା ପାଇଁ କୌଣସି ନେତା କୌଣସି ଅଧିକାରୀଙ୍କୁ ହଇରାଣ କରିପାରିବେ ନାହିଁ।
ଦିଲ୍ଲୀର ସିଏମ୍ ଏବଂ ଆମ୍ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ଏହି ନିଷ୍ପତ୍ତିକୁ ଐତିହାସିକ ବୋଲି କହିଛନ୍ତି। ସେ କହିଛନ୍ତି ଯେ, ପଞ୍ଜାବରେ ଦୁର୍ନୀତି ଆଉ ଚାଲିବ ନାହିଁ।
ଏହି ଘୋଷଣା ପୂର୍ବରୁ ମୁଖ୍ୟମନ୍ତ୍ରୀ ଭଗବନ୍ତ ମନ ଟୁଇଟ୍ କରି କହିଛନ୍ତି ଜେ, “ପଞ୍ଜାବର ଲୋକଙ୍କ ହିତ ପାଇଁ ଆଜି ଏକ ବଡ଼ ନିଷ୍ପତ୍ତି ନିଆଯିବ। ପଞ୍ଜାବ ଇତିହାସରେ କେହି ଆଜି ପର୍ଯ୍ୟନ୍ତ ଏପରି ନିଷ୍ପତ୍ତି ନେଇ ନଥାନ୍ତେ। ମୁଁ ଶୀଘ୍ର ଘୋଷଣା କରିବି।
ପଞ୍ଜାବରେ ଆମ୍ ଆଦମୀ ପାର୍ଟିର ପରାଜୟ ପରେ ଭଗବନ୍ତ ମନ ବୁଧବାର ଦିନ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଶପଥ ଗ୍ରହଣ କରିବାର ଠିକ ପରେ ତାଙ୍କ ଅଭିଭାଷଣରେ ମନ କହିଛନ୍ତି ଯେ, ପଞ୍ଜାବରେ ତାଙ୍କ ସରକାର ବେକାରୀ, ଦୁର୍ନୀତି ଏବଂ ଚାଷୀଙ୍କ ଅସୁବିଧା ଭଳି ସମସ୍ୟାର ସମାଧାନ ପାଇଁ କାର୍ଯ୍ୟ କରିବ। ଦିଲ୍ଲୀରେ ଆପ ସରକାର କରିବା ଭଳି ରାଜ୍ୟରେ ଥିବା ସରକାରୀ ବିଦ୍ୟାଳୟ ଓ ଡାକ୍ତରଖାନାଗୁଡ଼ିକର ସ୍ଥିତିରେ ସୁଧାର ଆସିବ ବୋଲି ସେ ପ୍ରତିଶୃତି ଦେଇଛନ୍ତି।
