ପୌର ନିର୍ବାଚନ: ସକାଳ ୧୧ ଟା ସୁଦ୍ଧା ୨୦ ପ୍ରତିଶତ ମତଦାନ

Published: Mar 24, 2022, 11:11 am IST

ଭୁବନେଶ୍ଵର: ଆଜି ସକାଳ ୮ ଟାରୁ ସାରା ରାଜ୍ୟରେ ପୌର ନିର୍ବାଚନ ପାଇଁ ମତଦାନ ଜାରି ରହିଛି। ଏହି ମତଦାନ ସନ୍ଧ୍ୟା ୫ ଟା ସୁଦ୍ଧା ଚାଲିବ। ତେବେ ସକାଳ ୧୧ ଟା ପର୍ଯ୍ୟନ୍ତ ୨୦ ପ୍ରତିଶତ ମତଦାନ ହୋଇଥିବା ସୂଚନା ରହିଛି। ଏନେଇ ନିର୍ବାଚନ କମିଶନରଙ୍କ ପକ୍ଷରୁ ସୂଚନା ମିଳିଛି। ଚଳିତ ପୌର ନିର୍ବାଚନରେ ପ୍ରଥମ ଥର ଲାଗି ଉଭୟ ମେୟର ଏବଂ ପୌରାଧ୍ୟକ୍ଷ ପାଇଁ ଜନସାଧାରଣମାନେ ପ୍ରତ୍ୟକ୍ଷ ଭାବେ ମତଦାନ ଦେବେ।

ଆଜି ମୋଟ ୪୭ ଟି ମ୍ୟୁନିସିପାଲିଟି, ୫୯ ଟି ଏନଏସି ଓ ୩ ମହାନଗର ନିଗମ ପାଇଁ ଭୋଟ ଗ୍ରହଣ ଚାଲିଛି। ଚଳିତ ନିର୍ବାଚନରେ ମୋଟ ୪୦ ଲକ୍ଷରୁ ଉର୍ଦ୍ଧ୍ଵ ମତଦାତା ସେମାନଙ୍କର ଅଧିକାର ସାବ୍ୟସ୍ତ କରିବେ। କଡା ସୁରକ୍ଷା ମଧ୍ୟରେ ସମଗ୍ର ରାଜ୍ୟରେ ଭୋଟ ଗ୍ରହଣ ଜାରି ରହିଛି। ସେଥିପାଇଁ ୧୯୫ ପ୍ଲାଟୁନ ଫୋର୍ସ ନିଯୋଜିତ ଅଛନ୍ତି।

Related posts