ଭୁବନେଶ୍ବର: ଆଜି ଭୁବନେଶ୍ବର କମିଶନରେଟ ପୋଲିସ ଏବଂ ଆରଟିଓ ଅଧିକାରୀଙ୍କ ମିଳିତ ସହଯୋଗରେ ଚଢାଉ ଆରମ୍ଭ କରାଯାଇଥିଲା। ଏଥିରେ ଯେଉଁମାନେ ମଦ ପିଇ ଗାଡି ଚଳାଉଥିଲେ ସେମାନଙ୍କୁ ଗୋଡାଇ ଗୋଡାଇ ପୋଲିସ ଧରିଲା। ସେହିପରି ଏକ ଅଟୋ ଡ୍ରାଇଭରଙ୍କୁ ପୋଲିସ ଧରିଛି। ସେ ମଦ ପିଇ ବେପାରୁଆ ଗାଡି ଚଳାଉଥିଲେ।
ବିଭିନ୍ନ ସମୟରେ ଭୁବନେଶ୍ବରରେ ରାତିରେ ଛୋଟବଡ ଦୁର୍ଘଟଣା ବଢିବାରେ ଲାଗିଛି। ଏହାର ମୁଖ୍ୟ କାରଣ ହେଉଛି ଯେ ଗାଡି ଚାଳକମାନେ ମଦ ପିଇ ଗାଡି ଚଳାଉଛନ୍ତି। ବିଳମ୍ବିତ ରାତିରେ ଏମାନେ ମଦ ପିଇ ବେପାରୁଆ ଭାବେ ଗାଡି ଚଳାଉଛନ୍ତି। ଫଳରେ ରାତିରେ ବର୍ତ୍ତମାନ ପୋଲିସ ତରଫରୁ ଏହି ଚଢାଉ ଆରମ୍ଭ କରାଯାଇଛି। ଏହା ବହୁଦିନ ଧରି ଚାଲିବ ବୋଲି ଜଣାପଡିଛି।
Tags: କମିଶନରେଟ ପୋଲିସ
