କନ୍ଦର୍ପ ବେହେରା
ରେଢ଼ାଖୋଲ: ଆଜି ପୂର୍ବାହ୍ନ ପାଖାପାଖି ୧୨ ଟା ସମୟରେ ରେ ନାକଟିଦେଉଳ ଥାନା ମୂଷାକାନୀ ନିକଟରେ ବାଇକ୍ ଦୁର୍ଘଟଣାରେ ୨ ଜଣ ଙ୍କର ଗୋଡ ଭାଙ୍ଗି ଆହତ ହୋଇଥିବା ଜଣା ପଡ଼ିଛି। ଆହତ ଦ୍ବୟକୁ ପୋଲିସ୍ ଉଦ୍ଧାର କରି ବୁର୍ଲା ପଠାଇଥିବା ଖବର ହସ୍ତଗତ ହୋଇଛି।
ପ୍ରକାଶ ଯେ, ନାକଟିଦେଉଳ ଥାନା ସାହେବୀ ପାଟୁଳିଢ଼ିପ ଗ୍ରାମର ୨ ଜଣ ଯୁବକ ନାକଟିଦେଉଳ କୁ କୌଣସି କାମରେ ଆସି ବାଇକ୍ ରେ ଫେରୁଥିବା ସମୟରେ ମୂଷାକାନୀ ନିକଟରେ ବାଇକ୍ ଟି ଭାରସାମ୍ୟ ହରାଇ ରାସ୍ତା ପାର୍ଶ୍ବରେ ଛିଟିକି ପଡ଼ିଥିଲା। ଉଭୟଙ୍କର ଗୋଡ ଭାଙ୍ଗିଥିବା ଜଣା ପଡ଼ିଛି।
ଆହତ ଦ୍ବୟଙ୍କୁ ତୁରନ୍ତ ପୋଲିସ୍ ଉଦ୍ଧାର କରି ବୁର୍ଲା ଡାକ୍ତରଖାନାକୁ ପଠାଇଛି। ଖବର ଲେଖା ହେବା ପର୍ଯ୍ୟନ୍ତ ଆହତଙ୍କର ପରିଚୟ ମିଳିପାରି ନାହିଁ।
