ବାରଣାସୀ: ଜ୍ଞାନବାପି ମସଜିଦ୍ ରେ ଆଜିର ସର୍ଭେ ଶେଷ ହୋଇଛି। ଆସନ୍ତାକାଲି ଆଉ ଏକ ସର୍ଭେ ହେବ। ସମସ୍ତ ପ୍ରମାଣ ଆମ ସପକ୍ଷରେ ଅଛି ବୋଲି ହିନ୍ଦୁ ପକ୍ଷର ଓକିଲ ଦାବି କରିଛନ୍ତି।
ବାରାଣାସୀର ଜ୍ଞାନବାପି ମସଜିଦରେ ମୋଟ ୫୨ ଜଣ ଲୋକ ଏହି ସର୍ଭେ ପାଇଁ ଭିତରକୁ ଯାଇଥିଲେ। ବାରାଣାସୀର ଡିଏମ୍ ଏବଂ ପୋଲିସ୍ କମିଶନର ମଧ୍ୟ ଜ୍ଞାନବାପି କ୍ୟାମ୍ପସରେ ଥିଲେ। ଯେଉଁଥିରେ କୋର୍ଟ କମିଶନର ଅଜୟ କୁମାର ମିଶ୍ରଙ୍କ ସହ ଦୁଇଜଣ ସହଯୋଗୀ, ବାଦି ପ୍ରତିବାଦିଙ୍କ ଡିଜିସି ସିଭିଲ, ଜିଲ୍ଲା ପ୍ରଶାସନର ଉଚ୍ଚ ପଦାଧିକାରୀ, ସୁରକ୍ଷା କର୍ମୀ, ଭିଡିଓଗ୍ରାଫର ଥିଲେ। ସେଠାରେ ଜଣେ ଭିଡିଓଗ୍ରାଫର ଏବଂ ଦୁଇଜଣ ଫଟୋଗ୍ରାଫର ଥିଲେ। ତନ୍ମଧ୍ୟରୁ ଜଣେ ସୂଚନା ବିଭାଗର ଫଟୋଗ୍ରାଫର ଥିଲେ।
