ଅର୍ଗସ ନ୍ୟୁଜର ପ୍ରଥମ ବାର୍ଷିକ ଉତ୍ସବରେ ‘ଏଗ୍ରି କନକ୍ଲେଭ ୨୦୨୨’; ଯୋଗଦେବେ ଦୁଇ କେନ୍ଦ୍ରମନ୍ତ୍ରୀ

Published: May 14, 2022, 6:37 pm IST

ଭୁବନେଶ୍ୱର: ଓଡିଆ ନ୍ୟୁଜ ଚ୍ୟାନେଲ ଅର୍ଗସ ନ୍ୟୁଜର ପ୍ରଥମ ବାର୍ଷିକ ଉତ୍ସବ ଆସନ୍ତା ମେ ମାସ ୧୫ ତାରିଖ ରବିବାର ଅନୁଷ୍ଠିତ ହେବାକୁ ଯାଉଛି। ଏହି ଅବସରରେ ଅର୍ଗସ ଏଗ୍ରି କନକ୍ଲେଭ-୨୦୨୨ ଅନୁଷ୍ଠିତ ହେବ। ଭୁବନେଶ୍ୱରରେ ଅନୁଷ୍ଠିତ ହେବାକୁ ଥିବା ଏହି କାର‌୍ୟ୍ୟକ୍ରମକୁ ଉଦଘାଟନ କରିବେ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର। ଏନେଇ ସୂଚନା ଦେଇଛନ୍ତି ଅର୍ଗସର ମୁଖ୍ୟ ସମ୍ପାଦକ ସଞ୍ଜୟ କୁମାର ଜେନା।

ଶ୍ରୀ ଜେନା ସୂଚନା ଦେଇ କହିଛନ୍ତି ଯେ, ରବିବାର ଦିନ ହେବାକୁ ଥିବା ଏହି କାର୍ଯ୍ୟକ୍ରମରେ ରାଜ୍ୟ ଓ ରାଜ୍ୟ ବାହାରର ବହୁ କୃଷି ବୈଜ୍ଞାନିକ ମାନେ ଯୋଗଦାନ କରିବେ । ଦେଶରେ କୃଷିର ବିକାଶ ସହ କୃଷକ ମାନଙ୍କର ଆୟ କିପରି ବୃଦ୍ଧି ହେବ ଏନେଇ ଦିନ ତମାମ ଆଲୋଚନା ଓ ପ୍ରର୍ଯ୍ୟାଲୋଚନା ହେବ। ଉଦଘାଟନ କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଶ୍ରୀ ତୋମାରଙ୍କ ସହ ପୂର୍ବତନ ମୁଖ୍ୟଶାସନ ସଚିବ ଯୁଗଳ କିଶୋର ମହାପାତ୍ର , ଆଇସିଏଆରର ଡିଜି ଡ.ତ୍ରିଲୋଚନ ମହାପାତ୍ର , ପଦ୍ମଶ୍ରୀ ସୁଶ୍ରୀ ସାବରମତୀ ଯୋଗଦାନ କରିବାର କାର୍ଯ୍ୟକ୍ରମ ରହିଛି।

ସେହିପରି ଉଦଯାପନ କାର୍ଯ୍ୟକ୍ରମରେ କେନ୍ଦ୍ର ମତ୍ସ୍ୟ ଓ ପଶୁସମ୍ପଦ ବିକାଶ ମନ୍ତ୍ରୀ ସଞ୍ଜିବ କୁମାର ବାଲ୍ୟାନ୍ , ପଦ୍ମଶ୍ରୀ ବଟକୃଷ୍ଣ ସାହୁ ଓ ଆଇସିଏଆରର ନିର୍ଦ୍ଦେଶକ ଅଜିତ ଶାସାନୀ ତଥା ନ୍ୟାସନାଲ କୋଅପରେଟିଭ୍ ଡେଭେଲମେଣ୍ଟ କର୍ପୋରେସନର ଏମଡି ସୁନଦୀପ କୁମାର ନାୟକ ଯୋଗଦାନ କରିବେ ବୋଲି କହିଛନ୍ତି ଶ୍ରୀ ଜେନା । ଅନୁଷ୍ଠିତ ହେବାକୁ ଥିବା ଏହି କାର୍ଯ୍ୟକ୍ରମରେ ସମାଜର ବିଶିଷ୍ଠ ବ୍ୟକ୍ତି, ବୁଦ୍ଧିଜୀବି ଓ କୃଷି ବୈଜ୍ଞାନିକ ମାନେ ଯୋଗଦାନ କରିବେ ବୋଲି ମୁଖ୍ୟ ସମ୍ପାଦକ ଶ୍ରୀ ଜେନା ସୂଚନା ଦେଇଛନ୍ତି।

Related posts