ନୂଆଦିଲ୍ଲୀ: ଉତ୍ତରାଖଣ୍ଡର ଚମ୍ପାବତ ବିଧାନସଭା ଆସନର ଉପ-ନିର୍ବାଚନର ଫଳାଫଳ ଘୋଷଣା କରାଯାଇଛି। ଏହା ସହ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଚମ୍ପାବତ ବିଧାନସଭା ଆସନରୁ ଜିତିଛନ୍ତି। ସେ କଂଗ୍ରେସ ପ୍ରାର୍ଥୀ ନିର୍ମଳା ଗହତୋଡିଙ୍କ ସହିତ ଏସପି ପ୍ରାର୍ଥୀ ମନୋଜ କୁମାର ଏବଂ ସ୍ୱାଧୀନ ପ୍ରାର୍ଥୀ ହିମାଂଶୁ ଗରକୋଟିଙ୍କୁ ପରାସ୍ତ କରି ଏହି ବିଜୟ ହାସଲ କରିଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ ଭୋଟ୍ ଗଣନାରେ ପ୍ରଥମ ରାଉଣ୍ଡରେ ମୁଖ୍ୟମନ୍ତ୍ରୀ ପୁଷ୍କର ଆଗୁଆ ରହିଥିଲେ। ବିଜେପି ପ୍ରାର୍ଥୀ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ୫୪ ହଜାର ୧୨୧ ଭୋଟ ବ୍ୟବଧାନରେ ଜିତିଛନ୍ତି।
ବିଜେପି ପ୍ରାର୍ଥୀ ପୁଷ୍କର ଧାମି ୫୭ ହଜାର ୨୬୮ ଭୋଟ ମିଳିଥିବା ବେଳେ କଂଗ୍ରେସ ପ୍ରାର୍ଥୀ ନିର୍ମଳା ଗହତୋଡିଙ୍କୁ ୩ ହଜାର ୧୪୭ ଭୋଟ୍, ଏସପି ପ୍ରାର୍ଥୀ ମନୋଜ କୁମାରଙ୍କୁ ୪୦୯, ସ୍ଵାଧୀନ ପ୍ରାର୍ଥୀ ହିମାଂଶୁ ଗରକୋଟିଙ୍କୁ ୩୯୯ ଏବଂ ନୋତାରେ ୩୭୨ ଭୋଟ ପଡିଥିଲା।
