ଭୁବନେଶ୍ୱର : ଗତ ଜୁଲାଇ ୨ ତାରିଖ ରାଜ୍ୟ ରାଜଧାନୀ ଭୁବନେଶ୍ୱରର ଖ୍ୟାତିସମ୍ପନ୍ନ ବିଜେବି କଲେଜରେ ର୍ୟାଗିଂର ଶିକାର ହୋଇ +୩ ପ୍ରଥମ ବର୍ଷର ଛାତ୍ରୀ ରୁଚିକା ମହାନ୍ତିଙ୍କ ଆତ୍ମହତ୍ୟା, ଆତ୍ମହତ୍ୟା ନୁହେଁ ପରନ୍ତୁ ସୁଚିନ୍ତିତ ହତ୍ୟାକାଣ୍ଡ । ଏହାର ପ୍ରତିବାଦରେ ତଥା ରାଜ୍ୟରେ ସମସ୍ତ ଶିକ୍ଷାନୁଷ୍ଠାନରେ ର୍ୟାଗିଂ ବନ୍ଦ ପାଇଁ କଠୋର ଆଇନ୍ ପ୍ରଣୟନ ଦାବିରେ ଅଖିଳ ଭାରତ ଛାତ୍ର ସଂଘ (ଏଆଇଏସ୍ଏଫ୍) ପକ୍ଷରୁ ଭୁବନେଶ୍ୱର ମାଷ୍ଟରକ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ଏହି ବିକ୍ଷୋଭରେ ଏଆଇଏସ୍ଏଫ୍ ରାଜ୍ୟ ସଭାପତି ସଂଘମିତ୍ରା ଜେନା, ମନୋରଞ୍ଜନ ରାଉତ, ଶାଶ୍ୱତ ପତି, ଜୀବନବନ୍ଧୁ ଭୋଇ, ମନୋଜ କୁମାର କର, ସନ୍ତୋଷ କୁମାର ସାହୁ, ରଶ୍ମିରଞ୍ଜନ ଜାଲି, ସୁନିଲ୍ ବଟୁ, ନାରାୟର ବେହେରା, ସୁଚିସ୍ମିତା ଜେନା, ବଳରାମ କୁଶଲିଆ, ଜୀଗନ୍ତ ବାତ୍ରା ପ୍ରମୁଖ ନେତୃତ୍ୱ ନେଇଥିଲେ । ଅପରାହ୍ନ ୫ ଘଟିକା ଠାରୁ ବିଜେବି କଲେଜ ସମ୍ମୁଖରେ ଏଆଇଏସ୍ଏଫ୍ ନେତୃତ୍ୱରେ ଛାତ୍ରଛାତ୍ରୀଙ୍କ ଧାରଣା ଚାଲୁ ରହିଛି ।
Tags: ବିଜେବି କଲେଜ, ରୁଚିକା ମହାନ୍ତି
