ଭୁବନେଶ୍ବର: ଆଜି ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ ତରଫରୁ ରାଜ୍ୟର ପଲଟେକନିକ କଲେଜ ରାଙ୍କ୍ ଘୋଷଣା କରାଯାଇଛି। ଏଥିରେ ପ୍ରଥମ ରାଙ୍କ ହାସଲ କରିଛି ଘରୋଇ ଶିକ୍ଷା ଅନୁଷ୍ଠାନ କିଟ୍ ପଲଟେକନିକ କଲେଜ। ଏହି କଲେଜ 72.78 ମାର୍କ ହାସଲ କରି ପ୍ରଥମ ରାଙ୍କରେ ସ୍ଥାନିତ ହୋଇଛି। ସେହିପରି ଦ୍ବିତୀୟରେ ରହିଛି ଯାଜପୁରର ସରକାରୀ ପଲଟେକନିକ କଲେଜ। ଏହି ସଂସ୍ଥା 67.50 ମାର୍କ ହାସଲ କରିପାରିଛି।
ତୃତୀୟରେ ରହିଛି ଗାନ୍ଧୀ ଇନଷ୍ଟିଚ୍ୟୁଟ ଅଫ ଏଡୁକେସନ ଆଣ୍ଡ ଟେକନିକାଲ। ଏହି ଘରୋଇ ସଂସ୍ଥା 64. 60 ମାର୍କ ହାସଲ କରିଛି। ଆଜି ବିଭାଗ ତରଫରୁ ଏହି ଘୋଷଣା କରାଯାଇଛି। ଏଥିରେ ରାଜ୍ୟରେ ଥିବା ମୋଟ 102 ଟି କଲେଜ ରାଙ୍କ ଘୋଷଣା କରାଯାଇଛି।
