ଭୁବନେଶ୍ୱର: ନାରୀ ଚିତ୍ରଶିଳ୍ପୀ ସୁଚରିତା ନାଥଙ୍କ ଏକକ ଚିତ୍ରକଳା ପ୍ରଦର୍ଶନୀ ଉଦଘାଟିତ ହୋଇ ଯାଇଛି। ଏହି ପ୍ରଦର୍ଶନୀକୁ ଓଡିଶାର ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକ ଉଦଘାଟିନ କରିଛନ୍ତି। ସେ ଏହି ଚିତ୍ର କଳାକୁ ବେଶ୍ ପ୍ରଶଂସା ମଧ୍ୟ କରିଛନ୍ତି।
ଏହି ପ୍ରଦର୍ଶନୀରେ ବିଧାୟକ ଡ ମୁକେଶ ମହାଲିଙ୍ଗ ଏବଂ ଓଡିଶା ଲଳିତକଳା ଏକାଡେମୀର ସଚିବ ତଥା ଚିତ୍ରଶିଳ୍ପୀ ପଞ୍ଚାନନ ସାମଲ ଯୋଗଦେଇ ଚିତ୍ରକଳାକୁ ବେଶ୍ ପ୍ରଶଂସା କରିଥିଲେ। ରାଜ୍ୟ ସଂଗ୍ରହାଳୟ ପରିସରରେ ଥିବା ଓଡିଶା ଲଳିତ କଳା ଏକାଡେମୀର କଳିଙ୍ଗ ଆର୍ଟ ଗ୍ୟାଲେରୀରେ ଚାଲିଥିବା ଏହି ପ୍ରଦର୍ଶନୀ ଆସନ୍ତା ୨୬ ତାରିଖ ପର୍ଯ୍ୟନ୍ତ ଖୋଲା ରହିବ।
