ଓଡିଶାର ମଧ୍ୟମ ଦୂରଗାମୀ ଧାବିକା ତଥା ଜାତୀୟ ସ୍ବର୍ଣ୍ଣ ପଦକ ବିଜୟିନୀ ଦୂତୀ ଚାନ୍ଦ ନିଜକୁ ସମଲିଙ୍ଗୀ ବୋଲି ସ୍ବୀକାର କରିଛନ୍ତି। ୨୦୧୮ ଏସିଆନ ଗେମ୍ସରେ ୧୦୦ ମି ବର୍ଗରେ ଦୁଇଟି ରୌପ୍ୟ ପଦକ ବିଜୟୀ ଆଥଲେଟ ପ୍ରଥମ ଭାରତୀୟ କ୍ରୀଡା ବ୍ୟକ୍ତିତ୍ବ ଭାବରେ ନିଜକୁ ସମଲିଙ୍ଗୀ ଘୋଷଣା କରିଛନ୍ତି। ସମଲିଙ୍ଗୀ ବୋଲି ଘୋଷଣା କରିଥିଲେ ମଧ୍ୟ ନିଜ ସାଥୀଙ୍କ ବିଷୟରେ କୌଣସି ସୂଚନା ଦେଇନାହାନ୍ତି ଦୂତୀ। ସେହିପରି ବିବାହ ସମ୍ପର୍କରେ ଉତ୍ତର ଦେଇ ଦୂତୀ କହିଥିଲେ ବର୍ତ୍ତମାନ ମୋର ସମସ୍ତ ଧ୍ୟାନ ବିଶ୍ବ ଚାମ୍ପିୟନ୍ସିପ୍ ଏବଂ ଟୋକିଓ ଅଲମ୍ପିକ୍ସକୁ ଯୋଗ୍ୟତା ହାସଲ ଉପରେ କେନ୍ଦ୍ରିତ ରହିଛି। ୨୦୨୦ଟୋକିଓ ଅଲମ୍ପିକ୍ସ ପରେ ବିବାହର ସମ୍ଭାବନା ରହିଥିବା ସ୍ବୀକାର କରିଥିଲେ ଦୂତୀ। ସେହିପରି ସେ ୧୮ ବର୍ଷରୁ ଉର୍ଦ୍ଧ୍ବ ଏବଂ ନିଜ ଜୀବନ ସମ୍ପର୍କରେ ନିଷ୍ପତ୍ତି ନେବାର ଅଧିକାର ରହିଛି ବୋଲି ପ୍ରକାଶ କରିଛନ୍ତି ଦୂତୀ। ବିଗତ ୧୦ ବର୍ଷ ଧରି ଟ୍ରାକ୍ରେ ଦୌଡୁଛି ଏବଂ ଆହୁରି ୫-୭ ବର୍ଷ ଟ୍ରାକ୍ରେ ରହିବାର ଲକ୍ଷ୍ୟ ରଖିଛି। କ୍ରୀଡାବିତ୍ ଭାବରେ ତାଙ୍କୁ ମାନସିକ ଭାବରେ ସମର୍ଥନ କରୁଥିବା ଜଣକୁ ନିଜର ସାଥୀ ଭାବରେ ବାଛି ବହୁତ ଖୁସି ଅଛନ୍ତି ବୋଲି ଦୂତୀ ସ୍ବୀକାର କରିଛନ୍ତି। ପ୍ରଥମ କ୍ରୀଡାବିତ ଭାବରେ ଦୂତୀ ନିଜକୁ ସମଲିଙ୍ଗୀ ଘୋଷଣା କରି ନାହାନ୍ତି ପୂର୍ବରୁ ଦକ୍ଷିଣ ଆଫ୍ରିକାର ମାରିଜାନେ କେପ୍ ଏବଂ ଡିନ୍ ଭାନ୍ ନିକର୍କ ନିଜକୁ ସମଲିଙ୍ଗୀ ଭାବରେ ଘୋଷଣା କରିଥିଲେ।
dutee chand admits her relation with a girl