କଟକ: ଆଜି ମା ଦୁର୍ଗାଙ୍କୁ ଶେଷରେ ବିଦାୟ ଦେଇଛନ୍ତି ଭକ୍ତଗଣ। ଦୀର୍ଘ ଦଶ ଦିନ ଧରି ଚାଲିଥିଲା ମାଙ୍କ ପୂଜା। ଦିନରାତି ଏକାକାର କରିଥିଲେ ପୂଜା ସମିତି କର୍ମକର୍ତ୍ତା ଆଉ ଭକ୍ତଗଣ। ସକାଳୁ ମାଆଙ୍କ ଆରତି ସହିତ ରାତି ପୂଜା ପର୍ଯ୍ୟନ୍ତ ଲାଗିଥିଲା ଗହଳି ଚହଳି। ହେଲେ ବିଧି ମୁତାବିକ ଆଜି ମାଙ୍କ ଭସାଣୀ ଉତ୍ସବ ଅନୁଷ୍ଠିତ ହୋଇଯାଇଛି।
ଆଜି ପ୍ରବଳ ବର୍ଷା ସତ୍ବେ ବିଭିନ୍ନ ସ୍ଥାନରେ ଭସାଣୀ ଉତ୍ସବର ଆୟୋଜନ କରାଯାଇଛି। ବିଶେଷ କରି କଟକରେ ଏହି ଭସାଣୀ କଡା ସୁରକ୍ଷା ମଧ୍ୟରେ କରାଯାଇଥିଲା। ଗୋଟିଏ ପରେ ଗୋଟିଏ ମେଢ ଦେବୀଗଡା ପର୍ଯ୍ୟନ୍ତ ଶୋଭାଯାତ୍ରାରେ ଯାଇ ଭସାଣୀ କରିଥିଲେ। ଏହାକୁ ଦେଖିବା ପାଇଁ ଲୋକଙ୍କର ପ୍ରବଳ ଭିଡ ପରିଲକ୍ଷିତ ହୋଇଥିଲା।
