ନୂଆଦିଲ୍ଲୀ: ଆଜି ଘୋଷଣା ହେବା ବହୁ ଚର୍ଚ୍ଚିତ ଗୁଜରାଟ ବିଧାନସଭା ନିର୍ବାଚନ ତାରିଖ। ଏଥିସହିତ ହିମାଚଳ ପ୍ରଦେଶ ବିଧାନ ସଭା ତାରିଖ ମଧ୍ୟ ଘୋଷଣା ହେବ। ଆଜି ଅପରାହ୍ନ ତିନିଟାରେ ଭାରତ ନିର୍ବାଚନ କମିଶନର ଏକ ସାମ୍ବାଦିକ ସମ୍ମିଳନୀ ଡାକିଛନ୍ତି। ତେବେ କଣ ପାଇଁ ଡାକିଛନ୍ତି ତାହାର ସୂଚନା ଦିଆଯାଇ ନ ଥିଲେ ମଧ୍ୟ ଏହି ଦୁଇ ରାଜ୍ୟ ନିର୍ବାଚନ ଘୋଷଣା ହୋଇଥିବ ବୋଲି ଅନୁମାନ କରାଯାଇଛି।
ଗୁଜରାଟ ବିଧାନସଭା କାର୍ଯ୍ୟକାଳ ୨୦୨୩ ଫେବ୍ରୁଆରୀ ୨୩ ତାରିଖରେ ଶେଷ ହେଉଥିବା ବେଳେ ହିମାଚଳ ପ୍ରଦେଶ ବିଧାନସଭା ଜାନୁଆରୀ ୮ରେ ଶେଷ ହେଉଛି। ଏହି ଦୁଇ ରାଜ୍ୟର ବିଧାନସଭା ନିର୍ବାଚନ ଥିବାରୁ ସମସ୍ତ ରାଜନୈତିକ ଦଳର ସେଠାରେ ତତ୍ପରତା ପ୍ରକାଶ ପାଇଛି।
