ଭୁବନେଶ୍ବର: ବର୍ତ୍ତମାନ ମୌସୁମୀ ଫେରିଯିବା ପରେ ରାଜ୍ୟରେ ଶୀତ ପ୍ରବେଶ କରିଛି। ବିଭିନ୍ନ ସ୍ଥାନରେ ବର୍ତ୍ତମାନ ଶୀତ ଅନୁଭୂତ ହେବାରେ ଲାଗିଛି। ଏପରିକି ସକାଳେ ଚାରିଆଡେ କୁହୁଡିରେ ଆଚ୍ଛନ୍ନ ହୋଇଯାଉଛି। ରାସ୍ତାଘାଟ ଦେଖିବା ମୁସ୍କିଲ ହୋଇପଡିଛି।
ଆଜି ସକାଳେ ଫୁଲବାଣୀ, ପାରଳାଖେମୁଣ୍ଡି ଅଞ୍ଚଳରେ କୁହୁଡି ଦୃଶ୍ୟମାନ ହୋଇଥିଲା। ଯାହା ଫୁଲବାଣୀ ରେ ଦୃଶ୍ୟମାନ ଦୂରତା ୨୦୦ ମିଟର ଏବଂ ପାରଳାଖେମୁଣ୍ଡି ରେ ୫୦୦ ମିଟର ଥିଲା। ସେହିପରି ବିଭିନ୍ନ ସ୍ଥାନରେ ତାପମାତ୍ରା ହ୍ରାସ ପାଇବାରେ ଲାଗିଛି।
ପାଣିପାଗ ବିଭାଗ ଅନୁସାରେ ଗତକାଲି କୋରାପୁଟ ରେ ୧୫.୫ ଡ଼ିଗ୍ରୀ, ଦାରିଙ୍ଗବାଡିରେ ୧୬ ଡ଼ିଗ୍ରୀ ଏବଂ ଫୁଲବାଣୀ ରେ ୧୭ ଡ଼ିଗ୍ରୀ ରାତ୍ରି ତାପମାତ୍ରା ରେକର୍ଡ କରାଯାଇଛି।
