ଭୁବନେଶ୍ବର: ଆଜି ଅପରାହ୍ନରେ ପଦ୍ମପୁର ଉପନିର୍ବାଚନ ପାଇଁ ପ୍ରଚାର ଶେଷ ହୋଇଛି। ହେଲେ ପ୍ରଚାର ଶେଷ ହେବା ପରେ ବିଜେପି ପ୍ରାର୍ଥୀ ପ୍ରଚାର କରିଛନ୍ତି। ଏହା ନିର୍ବାଚନ ଅଚରଣ ବିଧି ଉଲ୍ଲଘଂନ ବୋଲି ଏକ ଅଭିଯୋଗ ଆଣିଛି ବିଜେଡି। ଆଜି ରାତିରେ ବିଜେଡିର ଏକ ପ୍ରତିନିଧି ଦଳ ରାଜ୍ୟ ମୁଖ୍ୟ ନିର୍ବାଚନ କମିଶନରଙ୍କୁ ସାକ୍ଷାତ କରି ଅଭିଯୋଗ କରିଛନ୍ତି। ବିଜେପି ପ୍ରାର୍ଥ ପ୍ରଦୀପ ପୁରୋହିତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଜେଡି ଦାବୀ କରିଛି।
ସେହିପରି ସେ ପ୍ରଚାର କରୁଥିବା ବେଳେ ନନ୍ଦିଘୋଷ ଟିଭିର ସାମ୍ବାଦିକ ତାଙ୍କୁ କିପରି ପ୍ରଚାର କରୁଛନ୍ତି ବୋଲି ପ୍ରଶ୍ନ କରିଥିଲେ। ଏହାପରେ ସେଠାରେ ଥିବା ବିଜେପି କର୍ମି ନନ୍ଦିଘୋଷ ଟିଭି ସାମ୍ବାଦିକ ଏବଂ କ୍ୟାମେରମ୍ୟାନଙ୍କୁ ମାଡ ମାରିଛନ୍ତି ବୋଲି ଅଭିଯୋଗ କରାଯାଇଛି। ଏହା ବିରୋଧରେ ନିର୍ବାଚନ ଅଧିକାରୀ ତୁରନ୍ତ ପଦକ୍ଷେପ ଗ୍ରହଣ କରନ୍ତୁ ବୋଲି ସେମାନେ ଦାବୀ କରିଛନ୍ତି।