ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ବିଜୁ ଜନତା ଦଳର ସମସ୍ତ ନବ ନିର୍ବାଚିତ ସାଂସଦ। ନିର୍ବାଚନ ପରବର୍ତ୍ତୀ ପ୍ରଥମ ଥର ପାଇଁ ବିଜେଡି ସଂସଦୀୟ ଦଳର ବୈଠକ ବସିଛି। ନବୀନ ନିବାସରେ ସମସ୍ତ ନବ ନିର୍ବାଚିତ ସାଂସଦ ମୁଖ୍ୟମନ୍ତ୍ରୀଙ୍କ ସହିତ ଆଲୋଚନା କରିଛନ୍ତି। ସଂସଦରେ ଏହି ନେତାଙ୍କର ଭୂମିକା ନେଇ ଏହି ବୈଠକରେ ଆଲୋଚନା ହୋଇଛି। ସମସ୍ତ ନବ ନିର୍ବାଚିତ ୧୨ ଜଣ ସାଂସଦ ଏହି ବୈଠକରେ ଉପସ୍ଥିତ ଥିଲେ। ନବୀନଙ୍କ ସହିତ ଏହି ବୈଠକରେ ଭର୍ତ୍ତୂହରି ମହତାବ, ଅଚ୍ୟୁତ ସାମନ୍ତ ଏବଂ ଅନୁଭବ ମହାନ୍ତି ଉପସ୍ଥିତ ଅଛନ୍ତି। ଏମାନଙ୍କ ବ୍ୟତିତ ଚନ୍ଦ୍ରାଣୀ ମୁର୍ମୁ, ପିନାକୀ ମିଶ୍ର ଏବଂ ମଞ୍ଜୁଲତା ମଣ୍ଡଳ ମଧ୍ୟ ଏହି ବୈଠକରେ ଉପସ୍ଥିତ ଅଛନ୍ତି। ଏହା ସହିତ ନିଜର ସଂସଦୀୟ କ୍ଷେତ୍ରରେ କିପରି ବିକାଶ ମୂଳକ କାର୍ଯ୍ୟ କରିବେ ସେ ନେଇ ମଧ୍ୟ ଆଲୋଚନା ହୋଇଥିବା ଜଣାପଡିଛି।
cm meeting with newly elected mp