ଭୁବନେଶ୍ୱର: ଓଡିଶା ରାଜ୍ୟପାଳ ତଥା ବିଶ୍ୱବିଦ୍ୟାଳୟର କୁଳାଧିପତି ପ୍ରଫେସର ଗଣେଶୀ ଲାଲ ପ୍ରଫେସର ବିଭୂତି ଭୁଷଣ ବିଶ୍ବାଳଙ୍କୁ ଚାରି ବର୍ଷ ପାଇଁ ଓଡ଼ିଶା ଟେକ୍ନୋଲୋଜି ଏବଂ ରସର୍ଚ୍ଚ ବିଶ୍ବବିଦ୍ୟାଳୟର କୁଳପତି ଭାବରେ ନିଯୁକ୍ତ କରିଛନ୍ତି। ସେ ଯେଉଁ ଦିନ କାର୍ଯ୍ୟଭାର ଗ୍ରହଣ କରିବେ ସେହି ଦିନଠାରୁ କିମ୍ବା ପରବର୍ତ୍ତୀ ଆଦେଶ ପର୍ଯ୍ୟନ୍ତ ଦାୟିତ୍ବରେ ରହିବେ।
ପ୍ରଫେସର ବିଶ୍ବାଳ ବର୍ତ୍ତମାନ ଇଣ୍ଡିଆନ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି, ମେଘାଳୟର ନିର୍ଦ୍ଦେଶକ ଅଛନ୍ତି। ତାଙ୍କର ୩୬ ବର୍ଷରୁ ଅଧିକ ସମୟର ଶିକ୍ଷାଦାନ ଅଭିଜ୍ଞତା ରହିଛି। ସେ ୩ଟି ପୁସ୍ତକ ରଚନା କରିଛନ୍ତି ଏବଂ ୨୪ ପିଏଚଡି ଏବଂ ୪୫ ପିଜି ସ୍କର୍ଲାରଙ୍କୁ ସଫଳତାର ସହ ମାର୍ଗଦର୍ଶନ କରିଛନ୍ତି।