ଝାରସୁଗୁଡା: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଝାରସୁଗୁଡା ଗସ୍ତ କରି ନବ ଦାସଙ୍କ ଶ୍ରଦ୍ଧାଞ୍ଜଳୀ ସଭାରେ ଯୋଗ ଦେଇଛନ୍ତି। ଆଜି ମୁଖ୍ୟମନ୍ତ୍ରୀ ଏକ ସ୍ବତନ୍ତ୍ର ହେଲିକାପ୍ଟରରେ ଯାଇ ଝାରସୁଗୁଡା ବିମାନ ବନ୍ଦରରେ ଓହ୍ଲାଇଥିଲେ। ସେଠାରୁ ସେ କାର ଯୋଗ ସରବାହାଲ ଯାଇ ଏହି ସଭାରେ ଯୋଗଦେଇଥିଲେ।
ସରବାହଲ ସ୍କୁଲ ପଡିଆରେ ଆୟୋଜିତ ଏହି ସଭାରେ ମୁଖ୍ୟମନ୍ତ୍ରୀ ନବ ଦାସଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ପ୍ରଦାନ କରିଥିଲେ। ଏହାପରେ ସେଠାରେ ଉପସ୍ଥିତ ତାଙ୍କର ପତ୍ନୀ, ଝିଅ ଏବଂ ପୁଅଙ୍କ ସହ ପରିବାର ବର୍ଗଙ୍କୁ ସାକ୍ଷାତ କରିଥିଲେ। ଏହାପରେ ସେ ଭୁବନେଶ୍ବର ଫେରି ଆସିଥିବାର ଜଣାପଡିଛି। ଏହି ସଭାରେ ବହୁ ବରିଷ୍ଠ ନେତା ଓ ମନ୍ତ୍ରୀ ଯୋଗ ଦେଇଛନ୍ତି।
Tags: ନବ ଦାସ, ନବ ଦାସ ଶ୍ରଦ୍ଧାଞ୍ଜଳୀ
