ରାୟପୁର: ଆଜି ପୂର୍ବାହ୍ନରେ ଛତିଶଗଡ ରାଜ୍ୟପାଳ ଭାବେ ଶପଥ ଗ୍ରହଣ କରିଛନ୍ତି ବିଶ୍ବଭୂଷଣ ହରିଚନ୍ଦନ। ରାୟପୁରର ରାଜଭବନରେ ଥିବା ଦରବାର ହଲରେ ତାଙ୍କୁ ଶପଥପାଠ କରାଇଥିଲେ ଛତିଶଗଡ ହାଇକୋର୍ଟର ମୁଖ୍ୟ ବିଚାରପତି ଅରୂପ ଗୋସ୍ବାମୀ। ଏହି ସମାରୋହରେ ଛତିଶଡ ମୁଖ୍ୟମନ୍ତ୍ରୀ ଭୂପେଶ ବାଘେଲ, ବରିଷ୍ଠ ମନ୍ତ୍ରୀ ଏବଂ ରାଜ୍ୟର ବରିଷ୍ଠ ଅଧିକାରୀ ଉପସ୍ଥିତ ଥିଲେ।
ଏହି ସମାରୋହରେ ଲେଡି ଗଭର୍ଣ୍ଣର ସୁପ୍ରଭା ହରିଚନ୍ଦନ ଏବଂ ତାଙ୍କର ପୁତ୍ର ପୃଥୀରାଜ ହରିଚନ୍ଦନ ମଧ୍ୟ ଯୋଗଦେଇଥିଲେ। ଏହି ଅବସରରେ ଓଡିଶାରୁ କେତେକ ନେତା ତଥା ବରିଷ୍ଠ ବ୍ୟକ୍ତି ଏହି ସମାହୋରରେ ଯୋଗଦେବା ପାଇଁ ଯାଇଥିଲେ। ସେମାନେ ହେଲେ ସାଂସଦ ସୁରେଶ ପୂଜାରୀ, ସାଂସଦ ବସନ୍ତ ପଣ୍ଡା, କନକ ବର୍ଦ୍ଧନ ସିଂହଦେଓ, ଭ୍ରୁଗ ବକ୍ସିପାତ୍ର ଏବଂ ସାମ୍ବାଦିକ କିଶୋର ଦ୍ବିବେଦୀ ପ୍ରମୁଖ ଯୋଗଦେଇଥିଲେ।
