ସୀତାରାମ ଅଗ୍ରୱାଲ
ବାଲୁଗାଁ: ଭାରତ ସରକାରଙ୍କ ଭାରତୀୟ ଦର୍ଶନ ଅନୁସନ୍ଧାନ ପରିଷଦ ପ୍ରୋତ୍ସାହନରେ ବାଲୁଗାଁ ମହାବିଦ୍ୟାଳୟ ଦର୍ଶନ ବିଭାଗ ପକ୍ଷରୁ ଆଜି ଆଜାଦି କି ଅମୃତ ମହୋତ୍ସବ ବକ୍ତୃତା ମାଳା ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷା ବିନତି ମଞ୍ଜରୀ ରାଉତଙ୍କ ସଭାପତିତ୍ୱରେ ଅନୁଷ୍ଠିତ ଉକ୍ତ ଜାତୀୟ ସମ୍ପାନରେ ଉତ୍କଳ ବିଶ୍ୱ ବିଦ୍ୟାଳୟ ଦର୍ଶନ ବିଭାଗ ମୁଖ୍ୟ ପ୍ରଫେସର ସରୋଜ କାନ୍ତ କର, ଆସ୍କାସ୍ଥିତ ନିରଞ୍ଜନ ସରକାରୀ ମହିଳା ମହାବିଦ୍ୟାଳୟ ଦର୍ଶନ ବିଭାଗ ମୁଖ୍ୟ ଡକ୍ଟର କେ ଓମ ନାରାୟଣ ରାଓ, ଖଲିକୋଟ ବିଶ୍ୱ ବିଦ୍ୟାଳୟ ଦର୍ଶନ ବିଭାଗ ମୁଖ୍ୟ ଡକ୍ଟର ଯତୀନ ବିଷୋୟୀ ଓ ଗୋଦାବରୀଶ ମହାବିଦ୍ୟାଳୟ ପ୍ରାକ୍ତନ ଦର୍ଶନ ଅଧ୍ୟାପକ ରମାକାନ୍ତ ନନ୍ଦ ଅତିଥି ବକ୍ତା ଭାବେ ଯୋଗ ଦେଇ ଭାରତର ସମସାମୟିକ ଦାର୍ଶନିକ ଓ ଚିନ୍ତlନାୟକ ମାନଙ୍କର ମାନବତlବାଦ ଓ ପରାହି ତବାଦ ତତ୍ତ୍ୱ ଆଲୋଚନା କରିବା ସହ ସାମ୍ପ୍ରତିକ ସମୟରେ ଏହାର ପ୍ରlସଙ୍ଗିକତା ଉପରେ ଆଲୋକପାତ କରିଥିଲେ।
ବିଭାଗୀୟ ମୁଖ୍ୟ ଡକ୍ଟର କୈଳାସ ଚନ୍ଦ୍ର ମହାରଣା ଏହି କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ଜ୍ୟୋତି ବିଶ୍ୱାସ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ। ବର୍ଷା ବିଷୋୟୀ ବିଭାଗୀୟ ବିବରଣୀ ଉପସ୍ଥାପନା କରିଥିଲେ।
ଏହି ଅବସରରେ ଡକ୍ଟର ସରୋଜ କାନ୍ତ କର, ଡକ୍ଟର କେ ଓମ ନାରାୟଣ ରାଓ ଓ ଡକ୍ଟର ଯତୀନ ବିଷୋୟୀ ଙ୍କୁ ବିଭାଗ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ସେମିନାର ସଂଯୋଜିକା ଅଧ୍ୟାପିକା ମନସ୍ବିନୀ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମକୁ ପରିଚାଳନା କରିଥିଲେ ସେମିନାର ସମ୍ପାଦକ ଶୋଭିତ ଜେନା, ଗାୟତ୍ରୀ ରାଉତରାୟ, ଓ ଲଷ୍ମୀପ୍ରିୟା ଘଟୁଆଳି।
