ନୂଆଦିଲ୍ଲୀ: ଭାରତରେ ପୁଣି ଥରେ କରୋନା ମାମଲାରେ ବୃଦ୍ଧି ଘଟିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସଦ୍ୟତମ ତଥ୍ୟ ଅନୁଯାୟୀ ରବିବାର ଦିନ ସାରା ଦେଶରେ ୫୨୪ ଟି କରୋନା ମାମଲା ପଞ୍ଜିକୃତ ହୋଇଛି। ୧୧୩ ଦିନ ପରେ ଏତେ ସଂଖ୍ୟକ ମାମଲା ରୁଜୁ ହୋଇଛି। ସକ୍ରିୟ ମାମଲା ସଂଖ୍ୟା ବର୍ତ୍ତମାନ ୩,୬୧୮ କୁ ବୃଦ୍ଧି ପାଇଛି।
ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ, କେରଳରେ କରୋନାରେ ଜଣେ ରୋଗୀଙ୍କର ମୃତ୍ୟୁ ଘଟିଛି, ଏହା ପରେ ମୋଟ ମୃତ୍ୟୁ ସଂଖ୍ୟା ୫,୩୦,୭୮୧ କୁ ବୃଦ୍ଧି ପାଇଛି। ସଂକ୍ରମଣର ମୋଟ ସଂଖ୍ୟା ୪,୪୬,୯୦,୪୯୨ କୁ ବୃଦ୍ଧି ପାଇଛି। ଏହି ରୋଗରୁ ମୁକ୍ତି ପାଇଥିବା ଲୋକଙ୍କ ସଂଖ୍ୟା ୪,୪୧,୫୬,୦୯୩ କୁ ବୃଦ୍ଧି ପାଇଥିବାବେଳେ ମୃତ୍ୟୁ ହାର ୧.୧୯ ପ୍ରତିଶତ ରେକର୍ଡ କରାଯାଇଛି।
