ଗୋଳନ୍ଥରା ଥାନା ଅନ୍ତର୍ଗତ ଜାତୀୟ ରାଜପଥ ରଣ୍ଢା ଛକରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଯେଉଁଥିରେ ଦୁଇ ଜଣ ଗୁରୁତର ଆହତ ହୋଇଛନ୍ତି। ଆହତ ମାନେ ହେଉଛନ୍ତି ଆନ୍ଧ୍ର ପ୍ରଦେଶ ଶ୍ରୀକାକୁଲମ ଜିଲ୍ଲା କାବେଟି ଅଞ୍ଚଳର ଟି ମୁରଲୀ ଓ କେ ପ୍ରେମା ବୋଲି ଜଣାପଡିଛି।
ଓଡି୨୨ ଇ୬୧୭୧ ବିଶିଷ୍ଟ ଏକ କାର୍ ରେ ଆହତ ଦୁଇ ଜଣ ନିଜ ଗ୍ରାମ କାବେଟି ରୁ ବ୍ରହ୍ମପୁର ଆସୁଥିବା ବେଳେ ରଣ୍ଢା ଛକରେ ଏକ ମୋଟରସାଇକେଲ ହଠାତ୍ ଆଗକୁ ପଳିଆସିବାରୁ କାର୍ ଚାଳକ ଭାରସାମ୍ୟ ହରାଇ ରାସ୍ତା ମଧ୍ୟରେ ଥିବା ଏକ ଡିଭାଇଡର୍ କୁ ପିଟି ହୋଇଯିବାରୁ ଏହି ଦୁର୍ଘଟଣା ଘଟିଥିଲା। ଫଳରେ ଦୁଇ ଜଣ ଗୁରୁତର ଆହତ ହୋଇଛନ୍ତି।
ପୋଲିସ ଘଟଣାସ୍ଥଳରେ ପହଂଚି ଆହତଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଡାକ୍ତରଖାନା କୁ ପଠାଇ ଥିଲେ ଓ ଘଟଣା ର ତଦନ୍ତ ଚଳାଇଛନ୍ତି।