ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ଗୁଆହାଟୀ ଏମ୍ସ ସମ୍ପର୍କରେ ଲୋକଙ୍କ ପ୍ରତିକ୍ରିୟାର ପ୍ରତ୍ୟୁତ୍ତର ଦେଇଛନ୍ତି। ରାଜେଶ ଭାରତୀୟଙ୍କ ଟ୍ୱିଟ ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି ଯେ, “ଏମ୍ସ ନେଟୱର୍କର ବିସ୍ତାର ବେଶ ସନ୍ତୋଷଜନକ ଉପକ୍ରମ ଓ ଆମେ ସ୍ୱାସ୍ଥ୍ୟ ସେବାକୁ ଅଧିକ ସୁଗମ ଓ ସୁଲଭ କରିବା ପାଇଁ ଅନେକ ପଦକ୍ଷେପ ନେବୁ।”
ଉତ୍ତର ପୂର୍ବାଞ୍ଚଳରେ ସୁପର ସ୍ପେଶାଲିଟି ଚିକିତ୍ସା ଉପଲବ୍ଧ ସମ୍ପର୍କରେ ପ୍ରଫେସର ଡଃ ସୁଧିର ଦାସଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି ଯେ, “ନିଶ୍ଚିତ ଭାବେ, ଏହା ଉତ୍ତର ପୂର୍ବାଞ୍ଚଳର ମୋ ଭଉଣୀ ଓ ଭାଇମାନଙ୍କ ପାଇଁ ବେଶ ସହାୟକ ହେବ।”
ଜୋରହାଟ ବାସିନ୍ଦା ଦୀପଙ୍କର ପରାଶରଙ୍କ ଟ୍ୱିଟ ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି ଯେ, “ଉଦଘାଟିତ ଓ ଶିଳାନ୍ୟାସ ହୋଇଥିବା ପ୍ରକଳ୍ପଗୁଡିକ ଦ୍ୱାରା ଆସାମର ବିକାଶ ଆହୁରି ତ୍ୱରାନ୍ୱିତ ହେବ।”
