କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ପୋଲସରା ପଟୁ ଏକ ସାର ବୋଝେଇ ଟ୍ରକ (ଓଆର୍ ୦୭ କେ ୯୯୪୧) ବୁଗୁଡ଼ା ବଡ଼ଦାଣ୍ଡରେ ପ୍ରବେଶ କରିଥିଲା। କିନ୍ତୁ ମୁଖ୍ୟ ରାସ୍ତାରେ ପଞ୍ଚ ଠାକୁରାଣୀଙ୍କ ଅସ୍ଥାୟୀ ମଣ୍ଡପ ନିର୍ମାଣ ହୋଇଥିବାରୁ ଟ୍ରକ୍ ଟି ଆଗକୁ ନଯାଇ ପଛକୁ ଆସିବା ବେଳେ ଦ୍ବିତୀୟ କୋଣାର୍କ ମନ୍ଦିର ଭାବେ ପରିଚିତ କାଠରେ ନିର୍ମିତ ବିରଞ୍ଚି ନାରାୟଣ ମନ୍ଦିରର ବାହାରେ ଥିବା ଅରୁଣ ସ୍ତମ୍ଭକୁ ଧକ୍କା ଦେଇଥିଲା। ଯାହା ଫଳରେ ଉକ୍ତ ସ୍ତମ୍ଭଟି ଢଳିପଡିବା ସହ ସ୍ତମ୍ଭ ଉପରେ ଅବସ୍ଥିତ ଅରୁଣ ମୁର୍ତ୍ତି ଟି ଖଣ୍ଡ ବିଖଣ୍ଡିତ ହୋଇ ଯାଇଛି।
ଏକୋଇଶି ଫୁଟ ଉଚ୍ଚତା ବିଶିଷ୍ଟ ଉକ୍ତ ଅରୁଣ ସ୍ତମ୍ଭ ଟି ମାଟି ତଳେ ୫ ଫୁଟ ଖାଲରୁ ନିର୍ମିତ ହେଇଥିଲା। ତଥାପି ଉକ୍ତ ସ୍ତମ୍ଭଟି କେମିତି ଭାଙ୍ଗିଲା, ତାକୁ ଦେଖି ଅଞ୍ଚଳ ବାସିନ୍ଦା ଆଶ୍ଚର୍ଯ୍ୟ ବ୍ୟକ୍ତ କରିଛନ୍ତି।
ଏହି ଘଟଣାକୁ ବିରଞ୍ଚି ନାରାୟଣ ମନ୍ଦିର ମହନ୍ତ ଭକ୍ତରାମ ଦାସ ରାଜ୍ୟ ଦେବୋତ୍ତର ବିଭାଗ ଓ ଥାନାରେ ଅଭିଯୋଗ କରିବା ପରେ ପୋଲିସ ପହଞ୍ଚି ଉକ୍ତ ଟ୍ରକ୍ ଜବତ୍ କରିବା ସହ ଡ଼୍ରାଇଭରକୁ ଅଟକ ରଖିଛନ୍ତି।
