କ୍ରମାଗତ ଦ୍ବିତୀୟ ଥର ପାଇଁ ପ୍ରଧାନମନ୍ତ୍ରୀ ଭାବରେ ଗୁରୁବାର ଶପଥ ଗ୍ରହଣ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ମୋଦିଙ୍କ ସମେତ ଅନ୍ୟ ୫୭ ଜଣ ନେତା ଏହି ଶପଥ ଗ୍ରହଣ କାର୍ଯ୍ୟକ୍ରମରେ ଶପଥ ଗ୍ରହଣ କରିଥିଲେ। ବିଭିନ୍ନ ବିଶ୍ବନେତା ଏବଂ ବଲିଉଡ୍ ତାରକାଙ୍କ ସମ୍ମୁଖରେ ନିଜ ମନ୍ତ୍ରୀମଣ୍ଡଳ ଶହ ଶପଥ ଗ୍ରହଣ କରିଥିଲେ ମୋଦି। ଗତକାଲି ଶପଥ ଗ୍ରହଣ ହୋଇଥିଲେ ମଧ୍ୟ କୌଣସି ମନ୍ତ୍ରୀଙ୍କୁ ସେମାନଙ୍କର ପଦବୀ ପ୍ରଦାନ କରାଯାଇନଥିଲା। ଆଜି ଅପରାହ୍ନ ୫ ଟାରେ ମୋଦି କ୍ୟାବିନେଟ୍ର ପ୍ରଥମ ବୈଠକ ବସିବ। ଏହି କ୍ୟାବିନେଟରେ ଶପଥ ଗ୍ରହଣ କରିଥିବା ମନ୍ତ୍ରୀ ମାନଙ୍କ ମଧ୍ୟରେ ଏହି ବୈଠକରେ ବିଭାଗ ଆବଣ୍ଟନ କରାଯିବ। ବରିଷ୍ଠ ନେତା ଅରୁଣ ଜେଟ୍ଲୀ ଏବଂ ସୁଷମା ସ୍ବରାଜ ମନ୍ତ୍ରୀମଣ୍ଡଳରେ ନଥିବାରୁ ଅମିତ ଶାହା ଏବଂ ରାଜନାଥ ସିଂଙ୍କ ମଧ୍ୟରେ ଗୃହ ବିଭାଗ ଏବଂ ଅର୍ଥ ବିଭାଗ ବଣ୍ଟନ ହେବାର ସମ୍ଭାବନା ରହିଛି। ସେହିପରି ନିର୍ମଳା ସୀତାରମଣ ପ୍ରତିରକ୍ଷା ଏବଂ ସ୍ମୃତି ଜୁବିନ୍ ଇରାନୀଙ୍କ ହାତକୁ ବୈଦେଶିକ ମନ୍ତ୍ରାଳୟ ଯିବାର ସମ୍ଭାବନା ରହିଛି।
modi cabinet meeting at evening