ଭୁବନେଶ୍ବର: ଆଜି ଝାରସୁଗୁଡା ଉପନିର୍ବାଚନ ପାଇଁ ହୋଇଥିବା ମତଦାନର ଗଣତି ହେବ। ଏହି ଗଣତି ଝାରସୁଗୁଡ଼ା ଇଂଜିନିୟରିଂ ସ୍କୁଲ ପରିସରରେ ସକାଳ ୮ ଘଟିକା ସମୟରେ ଆରମ୍ଭ ହେବ। ପ୍ରଥମେ ପୋଷ୍ଟାଲ ବାଲାଟ ଗଣତି ହେବ ଓ ଠିକ୍ ୮.୩୦ ମିନିଟରେ ଇଭିଏମ୍ ଗଣତି ଆରମ୍ଭ ହେବ। ଭୋଟଗଣତି ନିମନ୍ତେ ସମସ୍ତ ପ୍ରକାରର ବ୍ୟବସ୍ଥା କରାଯାଇଛି।
ଏହି ଉପନିର୍ବାଚନରେ ମୋଟ ଭୋଟର ୨ ଲକ୍ଷ ୨୧ ହଜାର ୭୧୯ ହୋଇଥିବା ବେଳେ ଭୋଟ ଦେଇଛନ୍ତି ୧ ଲକ୍ଷ ୭୫ ହଜାର ୬୧୬ ଜଣ। ସେହିପରି ଏହି ନିର୍ବାଚନ ମଣ୍ଡଳୀରେ ପୁରୁଷ ଭୋଟର ସଂଖ୍ୟା ୧ ଲକ୍ଷ ୧୦ ହଜାର ୬୧୯ ଥିବା ବେଳେ ଭୋଟ ଦେଇଛନ୍ତି ୮୯ ହଜାର ୪୪ ଜଣ। ସେହିପରି ମହିଳା ଭୋଟର ସଂଖ୍ୟା ୧ ଲକ୍ଷ ୧୧ ହଜାର ୩୭ ଥିବା ବେଳେ ୮୬ ହଜାର ୫୬୦ ଜଣ ମତଦାନରେ ଭାଗ ନେଇଛନ୍ତି। ଏହିମାନେ ମୋଟ ପ୍ରତିଦ୍ବନ୍ଦିତା କରୁଥିବା ୯ ଜଣ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା କରିବେ।
