ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତରେ ଜାପାନ ରାଷ୍ଟ୍ରଦୂତ ହିରୋଶି ସୁଜୁକିଙ୍କ ଏକ ଭିଡିଓ ସେୟାର କରିଛନ୍ତି। ଏଥିରେ ହିରୋଶି ତାଙ୍କ ପତ୍ନୀଙ୍କ ସହ ଭାରତୀୟ ସୁସ୍ୱାଦୁ ଖାଦ୍ୟର ମଜା ନେଉଥିବା ଦେଖିବାକୁ ମିଳିଛି।
ଭାରତରେ ଜାପାନ ରାଷ୍ଟ୍ରଦୂତଙ୍କ ଏକ ଟୁଇଟକୁ ସେୟାର କରି ପ୍ରଧାନମନ୍ତ୍ରୀ ଟୁଇଟ୍ କରି ଲେଖିଛନ୍ତି ଯେ, ‘ଏହା ଏପରି ଏକ ପ୍ରତିଯୋଗିତା ଯେଉଁଠି ଆପଣ ହାରିବାରେ ଦୁଃଖ କରିବେନି। ଆପଣଙ୍କ ଭାରତର ରନ୍ଧନ ବିବିଧତାର ଆନନ୍ଦ ଉଠାଇବା ଏବଂ ଏହାକୁ ଅଭିନବ ଉପାୟରେ ଉପସ୍ଥାପନ କରିବା ଦେଖି ଖୁସି ଲାଗିଲା। ଏପରି ଭିଡିଓ ଆଗକୁ ମଧ୍ୟ ଜାରି ରହୁ।’
