ଭୁବନେଶ୍ବର: ବର୍ତ୍ତମାନ ଉପହାର ଦେବା ଏକ ଫ୍ୟାସନରେ ପରିଣତ ହୋଇଛି। ବିଭିନ୍ନ ପର୍ବପର୍ବାଣୀରେ ଏହି ଉପହାର ଦିଆଯାଏ। ହେଲେ ସେଥିରେ କେବଳ ଡ୍ରାଏ ଫୁଡ କିମ୍ବା ମିଠା ପ୍ୟାକେଟ ପ୍ରଦାନ କରାଯାଏ। ହେଲେ ଏବେ ପିଠାକୁ ମଧ୍ୟ ଆପଣ ଉପହାର ଦେଇପାରିବେ। କାରଣ ତାହାକୁ ସେହିପରି ପ୍ୟାକେଜିଂ କରାଯାଇଛି।
ବାଉଁଶ କାଠିରେ ତିଆରି ଉପହାର ପେଡିରେ ପିଠା ରଖାଯାଇ ହଳଦିଆ ଜରିରେ ପ୍ୟାକେଟ କରାଯାଇଛି। ଫଳରେ ଯାହାକୁ ଦେବେ ଏକ ସମ୍ମାନ ଜନକ ପରିସ୍ଥିତି ସୃଷ୍ଟି ହେଉଛି। ଏହି ପ୍ୟାକେଟରେ ପୋଡପିଠା, ଆରିଶା ପିଠା, ନଡିଆପିଠା, କାକରା ପ୍ରଭୃତି ପିଠା ରଖାଯାଇଛି। ଏହି ପରି ଅତ୍ୟାଧୁନିକ ପିଠା ପ୍ୟାକେଟ ପାନ୍ଥନିବାସରେ ଆୟୋଜିତ ରଜ ଉତ୍ସବରେ ମିଳୁଛି।
