କନ୍ଦର୍ପ ବେହେରା
ରେଢାଖୋଲ: ଗତକାଲି ରେଢାଖୋଲ ଥାନା ଡଇଁଚା ନିକଟସ୍ଥ ହିନ୍ତରାଇ ଛକରୁ ଅପରାହ୍ନ ୩ ଟାରେ ଏକ ବାଇକ୍ ଚୋରି ହୋଇ ଯାଇଥିବା ବେଳେ ଚୋରକୁ ପୋଲିସ୍ ଲୁହାପଙ୍କ ନିକଟରୁ ଧରିବାରେ ସଫଳ ହୋଇଛି।
ପୋଲିସ୍ ସୂତ୍ରରୁ ପ୍ରକାଶ ଯେ, ରେଢାଖୋଲ ଥାନା ମୁଟୁରୁମୁଣ୍ଡା ଗ୍ରାମର ସୁନୀଲ୍ ତିର୍କି ଡଇଁଚା ନିକଟସ୍ଥ ହିନ୍ତରାଇ ଛକ ଠାରେ ଜନୈକ ନର୍ମାଣଧିନ କୋଠାର ପଥର କାମ କରୁଥିଲେ। ଅପରାହ୍ନ ୩ ଟାରେ କାମ ସାରି ଦେଖିଲା ବେଳକୁ ତାଙ୍କର ବାଇକ୍ ନ ଥିଲା। ସେ ସଙ୍ଗେ ଫୋନ୍ କରି ଜଣାଇବାରୁ ତାଙ୍କ ଗ୍ରାମର କେତେଜଣ ବ୍ୟକ୍ତି ବାଇକ୍କୁ ୩ ଜଣ ନେଉଥିବାର ଖବର ପାଇ ଦଉଡାଇଥିଲେ। ଡମିରିକୁଦା ନିକଟରେ ସେମାନଙ୍କୁ ପିଚ୍ଛା କରି ବାଇକକୁ ଅଟକାଇଥିଲେ ଚୋରମାନେ ସେଠାରୁ ବାଇକ୍ ଛାଡି ଫେରାର୍ ହୋଇଯାଇଥିଲେ।
ପୋଲିସ୍ ଖବର ପାଇ ଲୁହାପଙ୍କ ନିକଟରୁ ଚୋରମାନଙ୍କୁ ଧରିବାରେ ସଫଳ ହୋଇଥିଲା। ଗିରଫ ଚୋରମାନେ ହେଲେ ସମ୍ବଲପୁର ଜଗନ୍ନାଥ କଲୋନୀର ଦେବେନ୍ଦ୍ର ନାଏକ , ଗୋବିନ୍ଦ ପୁହାଣ ,ଏବଂ କାହ୍ନା ନାଏକ ସେମାନଙ୍କ ନାମରେ ପୂର୍ବରୁ ବହୁ ଅପରାଧରେ ଅଇଁଠାପାଲି ଥାନାରେ ଏକାଧୀକ ମାମଲା ରହିଥିବା ପୋଲିସ୍ କହିଛି। ପୋଲିସ୍ ବାଇକ୍ ୨ ଟିକୁ ଜବତ ମଧ୍ୟ କରିଛି। ରେଢାଖୋଲ କେସ୍ ନଂ ୧୪୫ ୧୭/୬ ୟୁ/ଏସ୍ ୩୭୯ /୩୪ ଆଇପିସି ରେ ଗିରଫ କରି ଆଜି କୋର୍ଟ ଚାଲାଣ କରିଛି ପୋଲିସ୍।
