ନିଜର ଅପ୍କମିଙ୍ଗ ଫିଲ୍ମ ସୁପର୍ -୩୦ର ଏକ ନୂତନ ପୋଷ୍ଟର ରିଲିଜ୍ କରିଛନ୍ତି ହ୍ରିତିକ୍ ରୋଶନ୍। ନିକଟରେ ଚୀନ୍ରେ କାବିଲ୍ର ପ୍ରଚାରରେ ବ୍ୟସ୍ତଥିବା ହ୍ରିତିକ୍ ସୋସିଆଲ ମିଡିଆରେ ନିଜ ଫିଲ୍ମର ପୋଷ୍ଟର ସେୟାର କରିଛନ୍ତି। ପୋଷ୍ଟର ରିଲିଜ୍ ସହିତ ହ୍ରିତିକ୍ ଫିଲ୍ମର ଟ୍ରେଲର ରିଲିଜ୍ ତାରିଖ ମଧ୍ୟ ଘୋଷଣା କରିଛନ୍ତି। ଆସନ୍ତା କାଲି ଫିଲ୍ମର ଟ୍ରେଲର ରିଲିଜ୍ ହେବ। ଏହି ନୂଆ ପୋଷ୍ଟରରେ ଯୋଗ୍ୟ ବନନ୍ତୁ ବୋଲି ଲେଖାଯିବା ସହିତ ହ୍ରିତିକ ବର୍ଷାରେ ଭିଜୁଥିବା ଦେଖାଦେଇଛି। ଫିଲ୍ମଟିରେ ହ୍ରିତିକ୍ ଆନନ୍ଦ କୁମାରଙ୍କ ଚରିତ୍ରରେ ନଜର ଆସିବେ। ହ୍ରିତିକଙ୍କ ସହିତ ପଙ୍କଜ ତ୍ରୀପାଠୀ ମଧ୍ୟ ଗୁରୁତ୍ବପୂର୍ଣ୍ଣ ଚରିତ୍ରରେ ନଜର ଆସିବେ। ଆସନ୍ତା ଜୁନ୍ ୧୨ ତାରିଖରେ ଏହି ଫିଲ୍ମଟି ରିଲିଜ୍ ହେବାକୁ ଯାଉଛି।
