ପୁରୀ: ଆଜି ଶ୍ରୀମନ୍ଦିରର ପଶ୍ଚିମ ଦ୍ବାର ଖୋଲାଯାଇଛି। ଫଳରେ ଆଜି ସକାଳୁ ପୁରୀ ବାସିନ୍ଦା ଏହି ଦ୍ବାର ଦେଇ ଶ୍ରୀଜିୟୁଙ୍କୁ ଦର୍ଶନ କରୁଛନ୍ତି। ବହୁଦିନ ଧରି ପୁରୀ ବାସିନ୍ଦା ଏ ନେଇ ଦାବୀ କରିଆସୁଥିଲେ। ହେଲେ ପ୍ରଶାସନ ତରଫରୁ କୌଣସି ପଦକ୍ଷେପ ନିଆଯାଇ ନ ଥିଲା। ହେଲେ ଗତକାଲି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଧାରଣା ଦେବା ପାଇଁ ଘୋଷଣା କରିବା ପରେ ପୁରୀ ପ୍ରଶାସନ ତତ୍ପରତା ପ୍ରକାଶ କରିଛି।
ବର୍ତ୍ତମାନ ପୁରୀ ବାସିନ୍ଦା ସେମାନଙ୍କର ପରିଚୟ ପତ୍ର ଦେଖାଏ ସେହି ଦ୍ବାର ଦେଇ ମନ୍ଦିର ପ୍ରବେଶ କରିପାରିବେ। ପରିଚୟ ପତ୍ର ନ ଆଣିଲେ ସେମାନଙ୍କୁ ଭିତରକୁ ଛଡାଯିବ ନାହିଁ ବୋଲି ନିଷ୍ପତି କରାଯାଇଛି।
