କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ନାଗାଲାଣ୍ଡର ଜନୈକ ଆଇଏଏସ୍ ଅଫିସରଙ୍କ ବିପକ୍ଷରେ ମାମଲା ବନ୍ଦ କରିଛି। ୧୯୯୦ ମସିହାର ଆଇଏଏସ୍ ଅଫିସର ଜ୍ୟୋତି କଳସଙ୍କ ବିପକ୍ଷପରେ ସିବିଆଇ ୨୦୦୮ରେ ଏକ ମାମଲା ରୁଜୁ କରିଥିଲା। ନାଗାଲାଣ୍ଡ କ୍ୟାଡରର ଏହି ଅଫିସରଙ୍କ ବିରୋଧରେ ଆବଶ୍ୟକ ପ୍ରମାଣ ନଥିବାରୁ ମାମଲା ବନ୍ଦ କରିବାର ନିଷ୍ପତ୍ତି ନେଇଛି ସିବିଆଇ। ସିବିଆଇ ନିଜର ଚୂଡାନ୍ତ ରିପୋର୍ଟ ପଟିଆଲା ହାଉସ୍ କୋର୍ଟରେ ଦାଖଲ କରିଛି। ଏହା ସହିତ ବିଗତ ଦିନରେ ଏହି ପ୍ରଶାସନିକ ଅଧିକାରୀଙ୍କ ସମସ୍ତ ବକେୟା ଦେୟ ପ୍ରଦାନ କରିବା ପାଇଁ ନିର୍ଦ୍ଦେଶ ଦେଇଛନ୍ତି ହାଉମସ କୋର୍ଟ। ୨୦୦୮ରେ ୩୭ ଲକ୍ଷ ଟଙ୍କାର ଆୟ ବର୍ହିଭୂତ ସମ୍ପତ୍ତି ରଖିବା ନେଇ ସିବିଆଇ ପକ୍ଷରୁ ମାମଲା ଦାୟର କରାଯାଇଥିଲା।
