ମାନସ ପୂର୍ଣ୍ଣ ଆଚାର୍ଯ୍ୟ
ଆସିକା: ଓଡିଶା ରାଜ୍ୟ ଚୟନ ବୋର୍ଡ ଅଧ୍ୟାପକ ସଂଘ ନିର୍ଦ୍ଦେଶକ୍ରମେ ଗଞ୍ଜାମ ଜିଲ୍ଲାରେ ୨୭ ଗୋଟି ଅନୁଦାନପ୍ରାପ୍ତ ବେସରକାରୀ ମହାବିଦ୍ୟାଳୟର କାର୍ଯ୍ୟରତ ୨୫୩ ଜଣ ଅଧ୍ୟାପକ ପବିତ୍ର ଗୁରୁ ଦିବସରେ କଳା ବ୍ୟାଜ ପରିଧାନ କରିଛନ୍ତି। ଆଜି ଆସିକା ବିଜ୍ଞାନ ମହାବିଦ୍ୟାଳୟରେ ୨୬ ଜଣ ଅଧ୍ୟାପକ ମହାବିଦ୍ୟାଳୟ ମୁଖ୍ୟ ଫାଟକ ଠାରେ ପ୍ରତିବାଦ କରିଥିଲେ।
ଦୀର୍ଘ ଦିନ ଧରି ଏସ.ଏସ.ବି ଅଧ୍ୟାପକ ମାନେ ଗ୍ରେଡ- ପେ ବାବଦରେ ୪୬୦୦ ରୁ ୫୪୦୦କୁ ପରିବର୍ତ୍ତନ ପାଇଁ ଦାବୀ କରି ଆସୁଛନ୍ତି। ରାଜ୍ୟ ସରକାର ସ୍ନାତକ ଶ୍ରେଣୀ ପାଇଁ ନିଯୁକ୍ତି ଦେଇଥିବା ବେଳେ ସେହି ଅନୁସାରେ ଦରମା ପ୍ରଦାନ କରୁନଥିବା ଅଭିଯୋଗ କରାଯାଇଛି।
ରାଜ୍ୟ ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ୫-ଟି ସଚିବ ଶିକ୍ଷା କ୍ଷେତ୍ରରେ ଅନେକ ଉନ୍ନତି ମୂଳକ ପଦକ୍ଷେପ ଗ୍ରହଣ କରି ଆସୁଛନ୍ତି। କିନ୍ତୁ ଦିର୍ଘ ଆଠ ବର୍ଷ ଧରି ଏସ.ଏସ.ବି ଅଧ୍ୟାପକ ମାନେ ନିଜର ନ୍ୟାର୍ଯ୍ୟ ଦାବୀ ଜଣାଇଥିଲେ ମଧ୍ୟ ତାହା ପୂରଣ କରାଯାଉନଥିବା ଯୋଗୁଁ କ୍ଷୋଭ ପ୍ରକାଶ କରିଛନ୍ତି।
ଏ ସଂକ୍ରାନ୍ତରେ ଗତ ମାସ ୩୧ ତାରିଖରେ ଏକ ସାମ୍ବାଦିକ ସମ୍ମିଳନୀରେ ଗ୍ରେଡ-ପେ ସମ୍ପର୍କୀତ ସୂଚନା ମୁଖ୍ୟମନ୍ତ୍ରୀଙ୍କୁ ଜଣାଇଥିଲେ। କିନ୍ତୁ ସରକାର ଦାବୀ ପୂରଣ କରିବା ନେଇ କୈାଣସି ପଦକ୍ଷେପ ଗ୍ରହଣ କରି ନାହାଁନ୍ତି।
ଦୀର୍ଘ ଆଠ ବର୍ଷର ଦାବୀ ପୂରଣ ହୋଇନଥିବାରୁ ପୂର୍ବ ନିଷ୍ପତି ଅନୁଯାୟୀ ଗୁରୁ ଦିବସ ଠାରୁ ରାଜ୍ୟ ବ୍ୟାପୀ କଳା ବ୍ୟାଜ ପରିଧାନ ପାଇଁ ନିଷ୍ପତି ଗ୍ରହଣ କରାଯାଇଥିବା ସୂଚନା ମିଳିଛି।
