ଭୁବନେଶ୍ଵର: କିମ୍ବଦନ୍ତୀ ଓଡିଆ ରହସ୍ୟ ଲେଖକ ପ୍ରମୋଦ କୁମାର ପଣ୍ଡାଙ୍କ ‘ଦସ୍ୟୁ ରଞ୍ଜନ’ ଏକ ଗ୍ରାଫିକ୍ ଉପନ୍ୟାସ ଭାବରେ ବହୁ ପ୍ରତୀକ୍ଷିତ ଅପରାଧ ଡ୍ରାମା ଅଟେ ଯାହାର କାହାଣୀ ସବୁ ଅତ୍ୟନ୍ତ ଚିତ୍ତାକର୍ଷକ। ଉନ୍ମୋଚନ ହେବାର ୪୦ ବର୍ଷ ସତ୍ତ୍ୱେ ବି, ଏହି କାହାଣୀର ପ୍ରାସଙ୍ଗିକତା ଏବେ ବି ସମାଜରେ ଅଛି, ଯେଉଁଠାରେ ସାଧାରଣ ମଣିଷ ଅଳ୍ପ କିଛି ଶକ୍ତିଶାଳୀ ନିଷ୍ଠୁର ଲୋକଙ୍କ ହାତରେ ପଡି ଅସୁବିଧାର ସମ୍ମୁଖୀନ ହେଉଛନ୍ତି, ସେଠାରେ ସନ୍ତୁଳନ ରକ୍ଷା ଓ ଶାନ୍ତି ଫେରାଇବା ପାଇଁ ଜଣେ ହିରୋ ଆବଶ୍ୟକ ଆଉ ସେହି ହିରୋ ହୋଇଛନ୍ତି ଦସ୍ୟୁ ରଞ୍ଜନ।
ତେଣୁ ଏହିପରି ଏକ ଲୋକପ୍ରିୟ ଉପନ୍ୟାସ ଓ ଏହାର ହିରୋକୁ ଏକ ଆଧୁନିକ ମୋଡ଼ ଦେବା ପାଇଁ PACAD କମିକ୍ସ ଏହି ଆଜିର ନୂତନ ପିଢୀ ଓ ଏହାର ଉଦୀୟମାନ ଧାରାକୁ ଆଖି ଆଗରେ ରଖି ଏକାଧିକ ଭାଷାରେ ଓ ଏକ ଆନ୍ତର୍ଜାତୀୟ ସ୍ତରର ଗ୍ରାଫିକ୍ ଉପନ୍ୟାସ ତିଆରି କରିବାକୁ କରିବାକୁ ଚେଷ୍ଟା କରିଛି।
ତେବେ ପୂର୍ବପରି ‘ଦସ୍ୟୁ ରଞ୍ଜନ’ ର ଚିତ୍ତାକର୍ଷକ ଦୁନିଆରେ ବୁଡ଼ିବାକୁ ପ୍ରସ୍ତୁତ ହୁଅ! କିମ୍ବଦନ୍ତୀ ଓଡିଆ ରହସ୍ୟ ଲେଖକ ପ୍ରମୋଦ କୁମାର ପଣ୍ଡାଙ୍କ ଆଇକନିକ୍ ‘ଦସ୍ୟୁ ରଞ୍ଜନ’ ସିରିଜର ଚିତ୍ତାକର୍ଷକ ଗ୍ରାଫିକ୍ ଉପନ୍ୟାସ, ଏକ କାଳଜୟୀ ଅପରାଧ ଡ୍ରାମା ଯାହା ୭୦ ଦଶକରୁ ଦର୍ଶକଙ୍କୁ ମନ୍ତ୍ରମୁଗ୍ଧ କରି ରଖିଛି। ଏକ ବଡ ପଦକ୍ଷେପ ଗ୍ରହଣ କରି, ଆଓ ନେକ୍ସ୍ଟ , ଓଡିଶାର ନିଜସ୍ୱ ସ୍ୱଦେଶୀ ବିକଶିତ ଓଟିଟି ଏହି ଲୋକପ୍ରିୟ ଗ୍ରାଫିକ୍ ଉପନ୍ୟାସକୁ ଏକ ମୋସନ୍ କମିକ୍ସ ସିରିଜରେ ପରିଣତ କରି ଚଳିତ ମାସର ୧୫ ତାରିଖରେ ମୁକ୍ତିଲାଭ କରିବାକୁ ଯାଉଛି।
ରଞ୍ଜିତ ମହାନ୍ତି, ଆଓ ନେକ୍ସ୍ଟ ତରଫରୁ କହିଛନ୍ତି ଯେ, “ଭାରତୀୟ ବଜାରରେ ବ୍ୟଙ୍ଗ ଏବଂ ଗ୍ରାଫିକ୍ ଉପନ୍ୟାସ ପାଇଁ କ୍ରମାଗତ ଭାବରେ ଚାଲୁଥିଲେ ମଧ୍ୟ ଲୋକପ୍ରିୟତା ବହୁତ ବଢିଛି ଓ ଆଗକୁ ଆହୁରି ବଢିବ ପୁଣି ଏପର୍ଯ୍ୟନ୍ତ କୌଣସି ବଡ଼ ସଂସ୍ଥା ବି ନାହିଁ ଏହି କ୍ଷେତ୍ରରେ ତେଣୁ ଦୀର୍ଘକାଳୀନ ଲାଭ ପାଇଁ ଆମେ ଶୀଘ୍ର ସମସ୍ତ ସୁବିଧା ଓ ସହଯୋଗ ପାଇପାରିବା। ସମ୍ପ୍ରତି କମିକ୍ କନ୍ ଇଣ୍ଡିଆ ପରି ଚାଲିଥିବା ଲୋକପ୍ରିୟ ଇଭେଣ୍ଟ ଭାରତୀୟ ଏନିମେଶନ ଶିଳ୍ପ ଏବଂ ସହଯୋଗୀ ବାଣିଜ୍ୟ ଦ୍ରବ୍ୟ ଗୁଡିକ ଏବଂ ବିଷୟବସ୍ତୁର ଲାଇସେନ୍ସ ଅଧିକାରକୁ ଅତୁଳନୀୟ ଉତ୍ସାହିତ କରିଛି।
ଗ୍ରାଫିକ୍ ଉପନ୍ୟାସ ସହିତ, ସମସ୍ତ ବାଣିଜ୍ୟ ସାମଗ୍ରୀ ଯଥା। କଷ୍ଟମ୍ ଡିଜାଇନ୍ ହୋଇଥିବା ଭେଲୋ ସ୍ନାଇପର, ସମସ୍ତ ଆଧୁନିକ ଯୁଦ୍ଧ ଏବଂ ସୁରକ୍ଷା ବୈଶିଷ୍ଠ ସହିତ ସୁସଜ୍ଜିତ ଖେଳନା ଏବଂ ଉପହାର ସାମଗ୍ରୀ ଭାବରେ ବଜାରିତ ହେବ। ଦସ୍ୟୁଙ୍କ ହୁଡ୍ ଜ୍ୟାକେଟ୍, କଷ୍ଟମ୍ ଡିଜାଇନ୍ ହୋଇଥିବା ଲୋଗୋ ପ୍ଲେଟେଡ୍ ବେଲ୍ଟ, ଲାପଟପ୍ ସ୍କିନ୍, ମୋବାଇଲ୍ ଗାର୍ଡ ପରି ୱାର୍ଡ୍ରୋବ୍ ମଧ୍ୟ ଏହିପରି ଉଦ୍ୟମର ଅଂଶ ହେବ। ଉଦ୍ରାପୋଲିସ୍ ଏବଂ ଆର୍କା ହାଇଟ୍ସ ନାମକ ଚରିତ୍ର ଗୁଡ଼ିକ ମଧ୍ୟ ଓଡିଶାର ପ୍ରାଚୀନ ନାମରୁ ଅନୁପ୍ରାଣିତ।
ଲେଖକ ପ୍ରମୋଦ କିଶୋର ପଣ୍ଡା, ଜାତୀୟ ପୁରସ୍କୃତ ଫିଲ୍ମ ପ୍ରଯୋଜକ ତଥା ନିର୍ଦ୍ଦେଶକ ଅନୁପମ, ଗୀତିକାର ଶଙ୍କର ପରିଡା, ସାଧନା ଫାଉଣ୍ଡେସନ ର ସମ୍ପାଦିକା ସୁଜାତା ମହାପାତ୍ର, ଆର୍ଟିଷ୍ଟ ସଞ୍ଜୟ ଭଟ୍ଟ, କ୍ଷମାକର ମାଝୀ, ସତ୍ୟ ସୁନ୍ଦର ମହାପାତ୍ର, ଦୀପ୍ତି ପଣ୍ଡା, ପ୍ରୀତି ପଣ୍ଡା ଏବଂ ସନ୍ଦୀପ ପଣ୍ଡା ଙ୍କୁ ସମ୍ବର୍ଦ୍ଧନା ଜଣା ହୋଇଥିଲା।
