![](https://thesamikhsya.com/odia/wp-content/uploads/2023/09/Pramila1.jpg)
ଭୁବନେଶ୍ବର: ଓଡିଶା ବିଧାନସଭାର ବାଚସ୍ପତି ପାଇଁ ବିଜେଡିର ପ୍ରାର୍ଥୀ ଭାବେ ପ୍ରମିଳା ମଲ୍ଲିକଙ୍କ ନାମ ଘୋଷଣା ପରେ ସେ ରଖିଛନ୍ତି ପ୍ରତିକ୍ରିୟା। ସେ କହିଛନ୍ତି ଯେ, ଦଳ ମୋତେ ପ୍ରାର୍ଥୀ କରିଛି। ଏହାଦ୍ବାରା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରମାଣିତ କରିଛନ୍ତି ଯେ ମହିଳାମାନେ କେତେ ଦକ୍ଷ।
ତେବେ ବାଚସ୍ପତି ଭାବେ ନିର୍ବାଚିତ ହେବା ପରେ ମୁଁ ସମସ୍ତଙ୍କ ମନ ନେଇ କାମ କରିବି। ନିରପକ୍ଷ ଭାବେ ସମସ୍ତଙ୍କୁ ଗୁରୁତ୍ବ ଦେଇ କାର୍ଯ୍ୟ କରିବି ବୋଲି ପ୍ରମିଳା କହିଛନ୍ତି।
ଏହା ବହୁ ଗୁରୁତ୍ବପୂର୍ଣ୍ଣ ପଦ। ଆଗକୁ ନିଶ୍ଚିତ ଭଲ ହେବ ବୋଲି ପ୍ରମିଳା କହିଛନ୍ତି। ତେବେ ଗୃହରେ ଜୟନାରାୟଣ ମିଶ୍ର ଏବଂ ନରସିଂହ ମିଶ୍ରଙ୍କ ପରି ସଦସ୍ୟଙ୍କୁ କିପରି ପରିଚାଳନା କରିବେ ବୋଲି ପ୍ରଶ୍ନ କରାଯାଇଥିଲା। ଏହାର ଉତ୍ତରରେ ସେ କହିଛନ୍ତି ଯେ, ନିରପକ୍ଷ ଭାବେ ସବୁଦଳକୁ ନେଇ ଗୃହ ପରିଚାଳନା କରିବି ବୋଲି ପ୍ରମିଳା କହିଛନ୍ତି।
ଆସନ୍ତାକାଲି ପ୍ରମିଳା ବିଜେଡି ପ୍ରାର୍ଥୀ ଭାବେ ନାମାଙ୍କନ ଦାଖଲ କରିବେ।
Tags: ପ୍ରମିଳା ମଲ୍ଲିକ, ବାଚସ୍ପତି