ଭୁବନେଶ୍ବର: ଆଜିଠାରୁ ଆରମ୍ଭ ହୋଇଛି ପିତୃପକ୍ଷ। ଭାଦ୍ରବ ପୂର୍ଣ୍ଣିମା ପରେ ଆରମ୍ଭ ହୁଏ ଆଶ୍ବନୀ ମାସ। ଏହି ମାସରେ ମହାଳୟା ଅମବାସ୍ୟା ପର୍ଯ୍ୟନ୍ତ ପିତୃ ପକ୍ଷ ବୋଲି ଧରାଯାଏ। ସେଥିପାଇଁ ଏହିଦିନରୁ ବିଭିନ୍ନ ସ୍ଥାନରେ ଶ୍ରାଦ୍ଧ ତଥା ପିଣ୍ଡଦାନ କରାଯାଇଥାଏ।
ମୁଖ୍ୟତଃ ପୁରୀରେ ଥିବା ବିଭିନ୍ନ ତିର୍ଥ ପୁଷ୍କରଣୀ ଗୁଡ଼ିକରେ ପିଣ୍ଡଦାନ ପାଇଁ ଲୋକଙ୍କ ଆଗ୍ରହ ରହିଥାଏ। ସେଥିପାଇଁ ଏହି ସମୟରେ ଶ୍ରୀକ୍ଷେତ୍ରରେ ଗହଳି ଆରମ୍ଭ ହୋଇଯାଏ। ପୁରୀରେ ଥିବା ମାର୍କଣ୍ଡେୟ, ଇନ୍ଦ୍ରଦ୍ୟୁମ୍ନ, ଶ୍ୱେତଗଙ୍ଗା, ନରେନ୍ଦ୍ର ପୁଷ୍କରିଣୀରେ ତିଳତର୍ପଣ କରାଯାଉଛି।
