ସପ୍ତାହର ଅନ୍ତିମ ବ୍ୟବସାୟିକ ଦିନରେ ସେନସେକ୍ସ ଓ ନିଫ୍ଟି ଭଲ ପ୍ରଦର୍ଶନ କରିଛନ୍ତି। ସେନ୍ସେକ୍ସ ୨୦୦ ପଏଣ୍ଟ ବଢିଥିବା ବେଳେ ନିଫ୍ଟୀ ୩୪ ପଏଣ୍ଟ ବଢିଛି। ଗତକାଲି ଆର୍ବିଆଇର ରେପୋରେଟ୍ ହ୍ରାସ ପଦକ୍ଷେପ ନିବେଶକଙ୍କୁ ଆକୃଷ୍ଟ କରି ପାରିନଥିଲା ଫଳରେ ଭାରତୀୟ ଶେୟାର ବଜାର ୫୫୩.୮୨ ପଏଣ୍ଟ ତଳକୁ ଖସି ଯାଇଥିଲା। ସେନ୍ସେକ୍ସ ୨୧୧.୦୪ ପଏଣ୍ଟ ବୃଦ୍ଧି ସହିତ ୩୯୩୧୮.୬୮ ପଏଣ୍ଟରେ ରହିଥିବା ବେଳେ ନିଫ୍ଟି ୩୪.୨୫ ପଏଣ୍ଟ ବୃଦ୍ଧି ସହିତ ୧୧୮୦୯.୫୦ ପଏଣ୍ଟରେ ପହଞ୍ଚିଛି। ବେଦାନ୍ତ, ଏସ୍ବିଆଇ, ଇନ୍ଫୋସିସ୍, ଏଲ୍ ଆଣ୍ଡ ଟି ଏବଂ ବଜାଜ ଫାଇନାନ୍ସ ଶ୍ରେଷ୍ଠ ଆୟକାରୀ କମ୍ପାନୀ ମଧ୍ୟରେ ରହିଥିବା ବେଳେ ଇଣ୍ଡସଇଣ୍ଡ ବ୍ୟାଙ୍କ, ସନ୍ ଫାର୍ମା, କୋଟାକ ଏବଂ ମାରୁତି ପ୍ରମୁଖ ସେୟାର ଗୁଡିକର ମୂଲ୍ୟରେ ହ୍ରାସ ଘଟିଥିଲା।
