ରେଢାଖୋଲ (କନ୍ଦର୍ପ ବେହେରା): ସମୟ ନିର୍ଘଣ୍ଟ ହେଉଛି ପ୍ରତ୍ୟେକ ଶିକ୍ଷାନୁଷ୍ଠାନର ଦର୍ପଣ। ସାଧାରଣତଃ ବିଦ୍ୟାଳୟର ସମୟ ନିର୍ଘଣ୍ଟରେ ଖେଳ ପିରିୟଡ ସ୍ଥାନିତ ହୋଇ ପିଲାଙ୍କୁ ଖେଳିବାର ସୁଯୋଗ ମିଳେ। କିନ୍ତୁ ଉଚ୍ଚ ମାଧ୍ୟମିକ ବିଦ୍ୟାଳୟ ଓ ମହାବିଦ୍ୟାଳୟ ସ୍ତରରେ ଖେଳ ପିରିୟଡର ବ୍ୟବସ୍ଥା ନ ଥାଏ। ଏହି ପ୍ରସଙ୍ଗକୁ ଆଧାର କରି ନାକ୍ଟିଦେଉଳ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀମାନେ ବର୍ତ୍ତମାନର ଅଧ୍ୟକ୍ଷ ଡଃ. ମନୋରଞ୍ଜନ ପ୍ରଧାନଙ୍କୁ ଦୃଷ୍ଟି ଆକର୍ଷଣ କରିଥିଲେ। ପିଲାମାନଙ୍କ ଆବେଦନକୁ ନେଇ ଅନୁଷ୍ଠାନର ଷ୍ଟାପ୍ କାଉନସିଲରେ ଆଲୋଚନା କରାଯାଇ ସର୍ବ ସମ୍ମତିକ୍ରମେ ବିଦ୍ୟାଳୟର ଟାଇମ୍ ଟେବୁଲରେ ସକାଳ ୮ଟାରୁ ୯ଟା୩୦ ପର୍ଯ୍ୟନ୍ତ ନିୟମିତ ଶାରୀରିକ ଶିକ୍ଷା ସ୍ଥାନିତ କରାଯାଇଥିଲା।
ଆଜି ସୋମବାର ସକାଳ ୮ ଟାରେ ଅଧ୍ୟକ୍ଷଙ୍କ ଉପସ୍ଥିତରେ ବିଦ୍ୟାଳୟର କ୍ରୀଡା ଶିକ୍ଷକ ଜିତେନ୍ଦ୍ରୀୟ ପ୍ରଧାନ ଛାତ୍ରଛାତ୍ରୀମାନଙ୍କୁ ଶାରୀରିକ ଶିକ୍ଷା ପ୍ରଦାନ ଆରମ୍ଭ କରିଥିଲେ। ଏହି ନୂତନ ପଦକ୍ଷେପ ପାଇଁ ଏକାଡେମିକ୍ ଭାର୍ସାଲ୍ ଡଃ.ପ୍ରଶାନ୍ତ କୁମାର ଦାଶ ଓ ଅଧ୍ୟାପକ ସଂଜୀବ ଦାଶ ଅନୁଷ୍ଠାନର ଅଧ୍ୟକ୍ଷ ଡଃ.ମନୋରଞ୍ଜନ ପ୍ରଧାନଙ୍କୁ କୃତଜ୍ଞତା ଜ୍ଞାପନ କରିଛନ୍ତି। କ୍ୟାମ୍ପସର ଛାତ୍ରଛାତ୍ରୀମାନଙ୍କ ମଧ୍ଯରେ ଖୁସିର ଲହର ଖେଳିଯାଇଛି।
