ଭୁବନେଶ୍ବର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟ ସରକାରୀ କର୍ମଚାରୀଙ୍କୁ ପୂଜା ଭେଟି ପ୍ରଦାନ କରିଛନ୍ତି। ଆଜି ମୁଖ୍ୟମନ୍ତ୍ରୀ ସମସ୍ତ ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରିଛନ୍ତି। ଏ ନେଇ ମୁଖ୍ୟମନ୍ତ୍ରୀ କାର୍ୟ୍ୟାଳୟ ତରଫରୁ ସୂଚନା ପ୍ରଦାନ କରାଯାଇଛି। ସେହି ଅନୁସାରେ ଆଜି ରାଜ୍ୟ କର୍ମଚାରୀଙ୍କ ମହଙ୍ଗା ଭତ୍ତା ୪ ପ୍ରତିଶତ ବୃଦ୍ଧି କରିଛନ୍ତି।
ଏହି ମହଙ୍ଗା ଭତ୍ତା ଅବସର କର୍ମଚାରୀଙ୍କୁ ମଧ୍ୟ ଲାଗୁ କରାଯାଇଛି। ବର୍ତ୍ତମାନ ସରକାରୀ କର୍ମଚାରୀମାନେ ୪୨ ପ୍ରତିଶତ ମହଙ୍ଗା ଭତ୍ତା ପାଉଛନ୍ତି। ନୂଆ ବୃଦ୍ଧି ଅନୁସାରେ ଏହା ବର୍ତ୍ତମାନ ୪୬ ପ୍ରତିଶତକୁ ବୃଦ୍ଧି ଘଟିଲା। ଏହା ଦ୍ବାରା ରାଜ୍ୟର ୪ ଲକ୍ଷ ୫୦ ହଜାର ସରକାରୀ କର୍ମଚାରୀ ଉପକୃତ ହେବେ। ସେହିପରି ୩ ଲକ୍ଷ ୫୦ ହଜାର ପେନସନ ଭୋଗୀ ଲାଭବାନ ହୋଇପାରିବେ।