ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନାସାର ଚନ୍ଦ୍ର ମିଶନକୁ ସମାଲୋଚନା କରିଛନ୍ତି। ମଙ୍ଗଳକୁ ମାନବ ପ୍ରେରଣ ପୂର୍ବରୁ ପୁନର୍ବାର ଚନ୍ଦ୍ରକୁ ଫେରିବାର ନିଷ୍ପତ୍ତିକୁ ସମାଲୋଚନା କରିଛନ୍ତି ଟ୍ରମ୍ପ। ଏହି ମିଶନକୁ ସ୍ବୟଂ ଟ୍ରମ୍ପଙ୍କ ଅଧ୍ୟକ୍ଷତାରେ ଦେଢ ବର୍ଷ ପୂର୍ବରୁ ସ୍ବୀକୃତି ମିଳିଥିଲା। ଚନ୍ଦ୍ରକୁ ଆମେରିକା ୫୦ ବର୍ଷ ପୂର୍ବରୁ ଯାନ ଏବଂ ମାନବ ପଠାଇ ସାରିଛି। ତେଣୁ ପୁନର୍ବାର ଏହି ମିଶନର କୌଣସି ଯଥାର୍ଥତା ନାହିଁ ବୋଲି ଟ୍ରମ୍ପ କହିଛନ୍ତି। ୟୁରୋପ ଗସ୍ତରୁ ଫେରିବା ପରେ ଏହି ମନ୍ତବ୍ୟ ଦେଇଛନ୍ତି ଟ୍ରମ୍ପ। ବିଜ୍ଞାନ ସର୍ବଦା ଆଗକୁ ବଢିବା ଉଚିତ୍ ମାତ୍ର ନାସା ୫୦ ବର୍ଷ ପଛକୁ ଫେରିବାକୁ ଚାହୁଁଛି ଯାହାକି ଗ୍ରହଣୀୟ ନୁହେଁ ବୋଲି ଟ୍ରମ୍ପ ଏୟାର ଫୋର୍ସ ଓ୍ବାନ୍ ପକ୍ଷରୁ ଟ୍ବିଟ୍ କରିଛନ୍ତି।
trump criticizes nasa