ନୂଆଦିଲ୍ଲୀ: ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସରମାଙ୍କ କ୍ୟାବିନେଟ ରାଜ୍ୟର ଦୁଇଟି ମେଡିକାଲ କଲେଜରେ ଭୁଟାନ ଛାତ୍ରଛାତ୍ରୀଙ୍କ ପାଇଁ ଆସନ ସଂରକ୍ଷଣ ପ୍ରସ୍ତାବକୁ ଅନୁମୋଦନ କରିଛି। ମୁଖ୍ୟମନ୍ତ୍ରୀ ନିଜେ ଆଜି ଏହି ସୂଚନା ଦେଇଛନ୍ତି।
ବୁଧବାର ଦିନ ଅନୁଷ୍ଠିତ ରାଜ୍ୟ କ୍ୟାବିନେଟ ବୈଠକରେ ଭୁଟାନର ଛାତ୍ରଛାତ୍ରୀମାନଙ୍କ ପାଇଁ ନଲବାଡି ମେଡିକାଲ କଲେଜ ହସ୍ପିଟାଲରେ ଦୁଇଟି ସିଟ୍ ଏବଂ ବରପେଟାର ଫଖରୁଦ୍ଦିନ ଅଲି ଅହମ୍ମଦ ମେଡିକାଲ କଲେଜ ଏବଂ ହସ୍ପିଟାଲରେ ଗୋଟିଏ ସିଟ୍ ସଂରକ୍ଷଣ କରିବାକୁ ନିଷ୍ପତ୍ତି ନିଆଯାଇଛି।
