ନୂଆଦିଲ୍ଲୀ: ଜାତୀୟ ସହରାଞ୍ଚଳ ଜୀବିକା ମିଶନ (ଏନୟୁଏଲଏମ୍) ଏବଂ ଓଡ଼ିଶା ସହରାଞ୍ଚଳ ଏକାଡେମିର ମିଳିତ ସହଯୋଗରେ ଗୃହ ନିର୍ମାଣ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ (ଏମଓଏଚୟୁଏ) ଏହାର ପ୍ରମୁଖ ଯୋଜନା ଅମୃତ ଅଧୀନରେ ଏକ ମହତ୍ତ୍ବାକାଂକ୍ଷୀ ପଦକ୍ଷେପ ‘ଓମେନ୍ ଫର୍ ୱାଟର, ୱାଟର ଫର୍ ୱିମେନ୍’ର ଉଦଘାଟନୀ ଦିବସ (ଅର୍ଥାତ୍ ନଭେମ୍ବର ୭ , ୨୦୨୩) ଅତ୍ୟନ୍ତ ସଫଳ ହୋଇଛି। ଏହି ଅଭିଯାନ ନଭେମ୍ବର ୭ ,୨୦୨୩ରୁ ଆରମ୍ଭ ହୋଇଥିଲା। ଏହା ଆଜି ପର୍ଯ୍ୟନ୍ତ ଚାଲୁରହିବ।
“ଜଳ ପାଇଁ ମହିଳା, ମହିଳାଙ୍କ ପାଇଁ ଜଳ” ଅଭିଯାନର ଉଦ୍ଦେଶ୍ୟ ହେଉଛି ଜଳ ପରିଚାଳନାରେ ମହିଳାମାନଙ୍କୁ ଅନ୍ତର୍ଭୁକ୍ତ କରିବା ପାଇଁ ଏକ ପ୍ଲାଟଫର୍ମ ପ୍ରଦାନ କରିବା। ସେମାନଙ୍କୁ ନିଜ ନିଜ ସହରରେ ଥିବା ୱାଟର ଟ୍ରିଟମେଣ୍ଟ ପ୍ଲାଣ୍ଟ (ଡବ୍ଲ୍ୟୁଟିପି) ପରିଦର୍ଶନ ମାଧ୍ୟମରେ ଜଳ ବିଶୋଧନ ପ୍ରକ୍ରିୟା ବିଷୟରେ ପ୍ରାଥମିକ ଜ୍ଞାନ ପ୍ରଦାନ କରାଯିବ।
ଅଭିଯାନର ପ୍ରଥମ ଦିନରେ ସମସ୍ତ ରାଜ୍ୟରୁ (ନିର୍ବାଚନ ହେବାକୁ ଥିବା ରାଜ୍ୟଗୁଡ଼ିକୁ ବାଦ୍ ଦେଲେ) ୪,୧୦୦ରୁ ଅଧିକ ମହିଳା “ଜଳ ଦୀପାବଳି” ସମୟରେ ଏହି ଅଭିଯାନରେ ସାମିଲ୍ ହୋଇଥିଲେ। ଏହି ସଶକ୍ତ ମହିଳାମାନେ ଦେଶବ୍ୟାପୀ ୨୫୦ରୁ ଅଧିକ ଜଳ ବିଶୋଧନ କାରଖାନା (ଡବ୍ଲ୍ୟୁଟିପି) ପରିଦର୍ଶନରେ ଯାଆନ୍ତି ଏବଂ ଘରେ ବିଶୁଦ୍ଧ ଏବଂ ନିରାପଦ ପାନୀୟ ଜଳ ପହଞ୍ଚାଇବାରେ ସମ୍ପୃକ୍ତ ଜଟିଳ ପ୍ରକ୍ରିୟା ବିଷୟରେ ମୂଲ୍ୟବାନ ପ୍ରାଥମିକ ଜ୍ଞାନ ହାସଲ କରନ୍ତି । ରାଜ୍ୟ ଅଧିକାରୀମାନେ ଏସ୍ଏଚଜି ମହିଳାମାନଙ୍କୁ ଫୁଲ ଦେଇ ସ୍ୱାଗତ କରିବା ସହ ପାଣି ବୋତଲ/ ସିପର/ ଗ୍ଲାସ୍, ପରିବେଶ ଅନୁକୂଳ ବ୍ୟାଗ୍, ବ୍ୟାଜ୍ ଆଦି କ୍ଷେତ୍ର ପରିଦର୍ଶନ କିଟ୍ ପ୍ରଦାନ କରିଥିଲେ।
ଦିନତମାମ ମହିଳାମାନେ ଜଳ ଭିତ୍ତିଭୂମି ବିଷୟରେ ଜ୍ଞାନ ଆହରଣ କଲେ, ପାଣିର ଗୁଣବତ୍ତା ପରୀକ୍ଷା ପ୍ରୋଟୋକଲ ଉପରେ ବିଶେଷଜ୍ଞ ମାର୍ଗଦର୍ଶନ ଗ୍ରହଣ କରିଥିଲେ, ସେମାନଙ୍କ ଗୋଷ୍ଠୀ ପାଇଁ ଜଳର ଶୁଦ୍ଧତାର ସର୍ବୋଚ୍ଚ ମାନଦଣ୍ଡ ସୁନିଶ୍ଚିତ କରୁଥିଲେ। ଜଳ ଭିତ୍ତିଭୂମି ପ୍ରତି ଅଂଶଗ୍ରହଣକାରୀମାନେ ମାଲିକାନା ଏବଂ ଦାୟିତ୍ୱବୋଧର ଗଭୀର ଭାବନା ରଖିଥିବାରୁ ଜ୍ଞାନ ମାଧ୍ୟମରେ ମହିଳାମାନଙ୍କୁ ସଶକ୍ତ କରିବା ଅଭିଯାନର ଲକ୍ଷ୍ୟ ହାସଲ ହୋଇଥିଲା।
ଅମୃତ ଯୋଜନା ଏବଂ ଏହାର ବ୍ୟାପକ ପ୍ରଭାବ ବିଷୟରେ ମହିଳାମାନଙ୍କୁ ପରିଚିତ କରାଇବା ଏବଂ ଶିକ୍ଷିତ କରିବା, ଜଳ ବିଶୋଧନ କାରଖାନାଗୁଡ଼ିକର ବ୍ୟାପକ ସଂସ୍ପର୍ଶ ପ୍ରଦାନ କରିବା, ମହିଳା ସ୍ୱୟଂ ସହାୟକ ଗୋଷ୍ଠୀ (ଏସଏଚଜି) ଦ୍ୱାରା ପ୍ରସ୍ତୁତ ସ୍ମାରକୀ ଏବଂ ପ୍ରବନ୍ଧ ମାଧ୍ୟମରେ ଅନ୍ତର୍ଭୁକ୍ତୀକରଣକୁ ପ୍ରୋତ୍ସାହିତ କରିବା ଏବଂ ଘରେ ଜଳ ଦକ୍ଷ ତାଲିମ ଗ୍ରହଣ କୁ ପ୍ରୋତ୍ସାହିତ କରିବା ଏହି ଦିବସର ମୁଖ୍ୟ ପ୍ରସଙ୍ଗ ଥିଲା। ଅଂଶଗ୍ରହଣକାରୀମାନେ ଜଳ ସମ୍ପଦର ସଂରକ୍ଷଣ ଓ ବ୍ୟବହାର କରିବା ଏବଂ ବିଚାରଶୀଳ କାର୍ଯ୍ୟ ଏବଂ ସଚେତନ ନିଷ୍ପତ୍ତି ଗ୍ରହଣ ମାଧ୍ୟମରେ ମୂଲ୍ୟବାନ ସମ୍ପଦର ସୁରକ୍ଷା କରିବାକୁ ପ୍ରତିଶ୍ରୁତି ଦେଇଥିଲେ।
ସ୍ୱୟଂ ସହାୟକ ଗୋଷ୍ଠୀ ଏବଂ ରାଜ୍ୟ ଅଧିକାରୀଙ୍କ ପ୍ରୟାସ ଏହି ଅଭିଯାନର ପ୍ରଥମ ଦିନକୁ ଏକ ଉଲ୍ଲେଖନୀୟ ସଫଳତା ପ୍ରଦାନ କରିଛି, ଯାହା ଅମୃତ ୨.୦ ଅଭିଯାନ ଅଧୀନରେ ଜଳ ଭିତ୍ତିଭୂମିର ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଅନ୍ତର୍ଭୁକ୍ତୀକରଣ ଏବଂ ସଶକ୍ତୀକରଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହି ଅଭିଯାନର ଦ୍ବିତୀୟ ଓ ତୃତୀୟ ଦିନରେ ୧୦,୦୦୦ରୁ ଅଧିକ ମହିଳା ସ୍ୱୟଂ ସହାୟକ ଗୋଷ୍ଠୀ ଏକାଠି ହୋଇ ‘ଜଳ ଦୀପାବଳି’ ପାଳନ କରିବେ ଏବଂ ଏହି ଅଭିଯାନ ନଭେମ୍ବର ୯ ନଭେମ୍ବର ପର୍ଯ୍ୟନ୍ତ ଚାଲିବ ବୋଲି ଆଶା କରାଯାଉଛି।