ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅନ୍ତର୍ଗତ କଞ୍ଚୁଡୁ ଗ୍ରାମ ରେ ଅବସ୍ଥିତ ପଶୁ ଚିକିତ୍ସା ଅନୁଷ୍ଠାନ ର ନୀରିକ୍ଷକ ପ୍ରମୋଦ କୁମାର ମହାଙ୍କୁଡ ଙ୍କ ଶବ ଉକ୍ତ କାର୍ଯ୍ୟାଳୟରୁ ଉଦ୍ଧାର ହୋଇଛି।
ଘଟଣାରୁ ପ୍ରକାଶ ଯେ, ମୃତ ପ୍ରମୋଦଙ୍କ ଘର କୋରାପୁଟ ଜିଲ୍ଲା ବୋରିଗୁମ୍ମା ଅଞ୍ଚଳରେ ଓ ସେ ଏହି ୩ ବର୍ଷ ହେଲା ଏଠାରେ କାର୍ଯ୍ୟରେ ଯୋଗ ଦେଇଥିଲେ। କିନ୍ତୁ ସେହି କାର୍ଯ୍ୟାଳୟ ମଧ୍ୟରେ ହିଁ ରହୁଥିଲେ। ସକାଳୁ ନିକଟରେ ଥିବା ଫୁଲ ଗଛରୁ ଫୁଲ ତୋଳି କବାଟ ବନ୍ଦ କରି ଭିତରକୁ ଯିବା ଜଣାପଡିଛି। କିନ୍ତୁ ଦୁର୍ଘଟଣା ଗ୍ରସ୍ତ ଛେଳି କୁ ଚିକିତ୍ସା ପାଇଁ ଜଣେ ଲୋକ ଆସି ଭିତରପଟୁ କବାଟ ବନ୍ଦ ହୋଇଥିବା ଦେଖି ଝରକା ପଟେ ଦେଖିଲା ବେଳକୁ ଅଚେତ ଅବସ୍ଥାରେ ପ୍ରମୋଦକୁ ଦେଖି ଗାଁ ଲୋକଙ୍କୁ ଜଣାଇବା ପରେ ଗାଁ ଲୋକଙ୍କ ଠାରୁ ଖବର ପାଇ ହିଞ୍ଜିଳି ଥାନା ପୋଲିସ ଘଟଣାସ୍ଥଳରେ ପହଞ୍ଚି କବାଟ ଭାଙ୍ଗି ପ୍ରମୋଦଙ୍କ ମୃତ ଦେହ ଉଦ୍ଧାର କରି ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି।
