କନ୍ଦର୍ପ ବେହେରା
ରେଢାଖୋଲ: ସନ୍ଥକବି ଭୀମ ଭୋଇ କୃଷକ ସଂଘ ତରଫରୁ କୃଷକଙ୍କ ବିଭିନ୍ନ ସମସ୍ୟାକୁ ନେଇ ୧୨ ଦଫା ଦାବି ପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ରେଢାଖୋଲ ଉପଜିଲ୍ଲାପାଳଙ୍କୁ ପ୍ରଦାନ କରାଯାଇଥିଲା। ସର୍ବନିମ୍ନ ସହାୟକ ମୂଲ୍ୟ ଧାନ କ୍ୱିଣ୍ଟାଲ ପ୍ରତି ୩୨୦୦ ଟଙ୍କାକୁ ବୃଦ୍ଧି, ମଣ୍ଡି ମାନଙ୍କରେ କଟନୀ ଛଟନି ବନ୍ଦକରିବା, ରବିଫସଲ ଓ ଧାନର ଏମ ଏସ ପି କୁ ଆଇନରେ ପରିଣତ କରିବା, ଚାଷୀଙ୍କ ଟୋକନରେ ବିକ୍ରି କରିବାପାଇଁ ଅନୁମତି ଦିଆଯିବା, ଧାନର ପରିମାଣର ପୁନର୍ବାର ଆକଳନ କରି ( ରିଭେରିଫିକେସନ )କରାଯିବା, ଅଣଜଳ ସେଚିତ ଜମିରେ ଧାନର ଏକର ପ୍ରତି ୧୮ କୁଇଣ୍ଟାଲ କରାଯିବା, ପ୍ରାକୃତିକ ଦୁର୍ବିପାକ ହେଲେ ଓ ମରୁଡ଼ି ହେଲେ ଇନପୁଟ ସବସିଡି ଏକର ପ୍ରତି ୨୦ ହଜାର ଟଙ୍କା କରାଯିବା, ଚାଷୀକୁ କୌଣସି ମୃତ୍ୟୁ ହେଲେ ବା ଦୁର୍ଘଟଣା ଜନିତ ମୃତ୍ୟୁ ହେଲେ ପରିବାର ବର୍ଗଙ୍କୁ ୧୫ ଲକ୍ଷ ଟଙ୍କା ସହଯୋଗ କରିବା, ମାଙ୍କଡ ମାନଙ୍କ ଦ୍ୱାରା କ୍ଷୟକ୍ଷତି ହେଲେ ଆଇନରେ ପରିଣତ କରାଯିବା ସହିତ ବନବିଭାଗ ଦ୍ୱାରା କ୍ଷତିପୂରଣ ରାଶି ସମୟ ସୀମା ମଧ୍ୟରେ ଦିଆଯିବା, ଅଦିନିଆ ବର୍ଷାରେ କ୍ଷୟକ୍ଷତି ଓ ବନ୍ୟଜନ୍ତୁଙ୍କ ଦ୍ୱାରା ତଦନ୍ତ କରି କ୍ଷତିଗ୍ରସ୍ତ ଚାଷୀମାନଙ୍କୁ ତାଙ୍କ କ୍ଷତିପୂରଣ ପ୍ରଦାନ କରିବା ଆଦି ଦାବୀ ଉଲ୍ଲେଖ ରହିଛି।
ଏଥିରେ ରେଢାଖୋଲ ଉପଖଣ୍ଡ ଉପସଭାପତି ମହେଶ ପ୍ରଧାନ,ସନ୍ଥ କବି ଭୀମ ଭୋଇ କୃଷକ ସଂଘର ସଭାପତି ଅଶ୍ୱିନି ପ୍ରଧାନ, ଉପ ସଭାପତି ପ୍ରମୋଦ ପ୍ରଧାନ, ରାଜେନ୍ଦ୍ର ବେହେରା, ରାଜେନ୍ଦ୍ର ପ୍ରଧାନ , ନନ୍ଦକିଶୋର ବେହେରା, କଦଳୀଗଡ ଦଧିବାମନ କୃଷକ ସଂଘ ର ସଭାପତି ବୃଷଭାନୁ ପ୍ରଧାନ,ସତ୍ୟାନନ୍ଦ ବାଘ, ଭୁବନେଶ୍ବର ପ୍ରଧାନ, ବଡବାହାଳ ଗ୍ରାମ ପଞ୍ଚାୟତର କୃଷକ ନେତା ଭଗବାନ ପ୍ରଧାନ,ଭିକାରି ବେହେରା ସମେତ ବିଭିନ୍ନ ପଞ୍ଚାୟତ ରୁ ବହୁ କୃଷକ ଉପସ୍ଥିତ ରହି ଦାବିପତ୍ର ପ୍ରଦାନ କରିଥିଲେ।