ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷ ODI ସିରିଜ୍ ଆରମ୍ଭ ହେବାର ଗୋଟିଏ ଦିନ ପୂର୍ବରୁ ଭାରତୀୟ କ୍ରିକେଟ୍ ଦଳ ଦୁଇଟି ବଡ଼ ଅସୁବିଧାର ସମ୍ମୁଖୀନ ହୋଇଥିଲା। ଦଳର ଦୁଇ ଦ୍ରୁତ ବୋଲରଙ୍କୁ ଆଫ୍ରିକୀୟ ଗସ୍ତରୁ ବାଦ୍ ଦିଆଯାଇଛି। ଦ୍ରୁତ ବୋଲର ଦୀପକ ଚହର ODI ସିରିଜରୁ ତାଙ୍କ ନାମ ପ୍ରତ୍ୟାହାର କରିଥିବାବେଳେ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ ସିରିଜରୁ ବାଦ ପଡିଛନ୍ତି। ଚହର ODI ସିରିଜର ଏକ ଅଂଶ ହୋଇଥିବାବେଳେ ଶାମି ୨୬ ଡିସେମ୍ବରରୁ ଦକ୍ଷିଣ ଆଫ୍ରିକା ବିପକ୍ଷ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ସ୍ସାମିଲ ହେବାକୁ ଯାଉଥିଲେ। ବିସିସିଆଇ ଏକ ବିବୃତ୍ତି ଜାରି କରି ଉଭୟ ଖେଳାଳିଙ୍କୁ ଏହି ଗସ୍ତରୁ ବାଦ ଦେଇଛି। ଦୀପକ ଚହରଙ୍କ ସ୍ଥାନରେ ଆକାଶ ଦୀପ ସିଂ ଦକ୍ଷିଣ ଆଫ୍ରିକା ଗସ୍ତରେ ଟିମ୍ ଇଣ୍ଡିଆରେ ଯୋଗଦେବେ।
