ନୂଆଦିଲ୍ଲୀ: ବିଶ୍ୱରେ କରୋନା ପୁଣିଥରେ ନିଜର ଗୋଡ଼ ବିସ୍ତାର କରିବା ଆରମ୍ଭ କରିଛି। ବର୍ତ୍ତମାନ ସୁଦ୍ଧା ବିଶ୍ୱର ୪୦ରୁ ଅଧିକ ଦେଶରେ ଏହି ନୂଆ ଭାରିଆଣ୍ଟ ପ୍ରବେଶ କରିସାରିଲାଣି । ଯେଉଁଥିରେ ଭାରତର ନାମ ମଧ୍ୟ ରହିଛି। ଦେଶରେ ନୂଆ ସବ୍ ଭାରିଆଣ୍ଟ ଜେଏନ୍-୧ର ରୋଗୀଙ୍କ ସଂଖ୍ୟା ୨୨ରେ ପହଞ୍ଚିଛି।
ଗତ ୨୪ ଘଣ୍ଟାରେ ଦେଶରେ ୭୫୨ ନୂଆ କୋରୋନା ମାମଲା ସାମ୍ନାକୁ ଆସିଛି। ୨୧ ମେ, ୨୦୨୩ ପରଠାରୁ ଦେଶରେ ଗୋଟିଏ ଦିନରେ ସର୍ବାଧିକ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି। କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ରା େଳୟ ପକ୍ଷରୁ ଶନିବାର (ସକାଳ ୮ଟା) ପର୍ଯ୍ୟନ୍ତ ଅପଡେଟ୍ କରାଯାଇଥିବା ତଥ୍ୟ ଅନୁଯାୟୀ, ଦେଶରେ ବର୍ତ୍ତମାନ ସୁଦ୍ଧା ସମୁଦାୟ କୋଭିଡ୍-୧୯ ମାମଲା ୪.୫୦ କୋଟି (୪,୫୦,୦୭,୯୬୪) ରହିଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ୪ ଜଣଙ୍କର ମୃତ୍ୟୁକୁ ମିଶାଇ ଏହି ମହାମାରୀଜନିତ ମୃତ୍ୟୁ ସଂଖ୍ୟା ୫,୩୩,୩୩୨କୁ ବୃଦ୍ଧି ପାଇଛି।
ବିଶ୍ୱରେ ଗୋଟିଏ ମାସରେ ୫୨ ପ୍ରତିଶତ ବଢ଼ିଲା ମାମଲା
ଗତ ୪ ସପ୍ତାହ ମଧ୍ୟରେ ବିଶ୍ୱରେ ନୂତନ କୋଭିଡ୍ ମାମଲା ସଂଖ୍ୟା ୫୨ ପ୍ରତିଶତ ବୃଦ୍ଧି ପାଇଛି ବୋଲି ଡବ୍ଲ୍ୟୁଏଚ୍ଓ ରିପୋର୍ଟ କରିଛି। ଏହି ସମୟ ମଧ୍ୟରେ ୮,୫୦,୦୦୦ରୁ ଅଧିକ ନୂଆ ମାମଲା ସାମ୍ନାକୁ ଆସିଛି। ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ଏକ ପ୍ରେସ୍ ବିଜ୍ଞପ୍ତିରେ କହିଛି ଯେ ପୂର୍ବ ୨୮ ଦିନ ତୁଳନାରେ ନୂତନ ମୃତ୍ୟୁ ସଂଖ୍ୟା ୮ ପ୍ରତିଶତ ହ୍ରାସ ପାଇଛି ଏବଂ ୩,୦୦୦ରୁ ଅଧିକ ନୂତନ ମୃତ୍ୟୁ ରେକର୍ଡ କରାଯାଇଛି।
ଗତ ୨୪ ଘଣ୍ଟାରେ ୪ ଆକ୍ରାନ୍ତଙ୍କ ମୃତ୍ୟୁ ଘଟିଛି
ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ କେରଳରେ ୨ ଜଣ, ରାଜସ୍ଥାନ ଓ କର୍ଣ୍ଣାଟକରେ ଜଣେ ଲେଖାଏଁ କୋଭିଡ୍-୧୯ ରୋଗୀଙ୍କ ମୃତ୍ୟୁ ଘଟିଛି। ସ୍ୱାସ୍ଥ୍ୟ ମନ୍ତ୍ରଣାଳୟର ୱେବସାଇଟ୍ ଅନୁଯାୟୀ, ଏହି ରୋଗରୁ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ୪,୪୪,୭୧,୨୧୨କୁ ବୃଦ୍ଧି ପାଇଛି। ଜାତୀୟ ଆରୋଗ୍ୟ ହାର ୯୮.୮୧ ପ୍ରତିଶତ ଥିବାବେଳେ ମୃତ୍ୟୁହାର ୧.୧୯ ପ୍ରତିଶତ ରହିଛି। ମନ୍ରାୟୁଳୟ ଅନୁଯାୟୀ, କୋଭିଡ୍-୧୯ ଟିକାକରଣ ଅଭିଯାନ ଅଧୀନରେ ବର୍ତ୍ତମାନ ସୁଦ୍ଧା ଦେଶରେ ୨୨୦.୬୭ କୋଟି ଡୋଜ୍ ଟିକା ଦିଆଯାଇଛି।
କେରଳରେ ପ୍ରଥମ ରୋଗୀ
କରୋନାର ଏହି ନୂଆ ସବ୍ ଭାରିଆଣ୍ଟ ଦେଶର ଅନେକ ରାଜ୍ୟରେ ଦ୍ରୁତ ଗତିରେ ବ୍ୟାପିବାରେ ଲାଗିଛି। ଯଦି ଆମେ ପ୍ରଥମ ସଂକ୍ରମିତ ରୋଗୀଙ୍କ ବିଷୟରେ କହିବା ତେବେ କରୋନାର ଏହି ଭାରିଆଣ୍ଟର ପ୍ରଥମ ରୋଗୀ କେରଳକୁ ଆସିଥିଲେ। ଯିଏ କି ଜଣେ ମହିଳା ଥିଲେ। ସୂଚନା ଅନୁଯାୟୀ, ମହିଳା ଜଣକ ସିଙ୍ଗାପୁରରୁ ଫେରିଥିଲେ।
ସିଙ୍ଗାପୁରରେ କରୋନା ଆକ୍ରାନ୍ତଙ୍କ ସଂଖ୍ୟା ଶୀର୍ଷରେ
ସିଙ୍ଗାପୁରରେ କରୋନା ଭୟର ବାତାବରଣ ସୃଷ୍ଟି କରିଛି। ସିଙ୍ଗାପୁରର ସ୍ୱାସ୍ଥ୍ୟ ମନ୍ତ୍ରୀ ଓଙ୍ଗ ୟେ କୁଙ୍ଗ କହିଛନ୍ତି ଯେ କୋଭିଡ୍-୧୯ର ନୂତନ ଲହରରେ ସିଙ୍ଗାପୁରରେ ସଂକ୍ରମଣ ଶୀର୍ଷରେ ପହଞ୍ଚିଥାଇପାରେ, ତେଣୁ ମାସ୍କ ପିନ୍ଧିବା ବାଧ୍ୟତାମୂଳକ କରିବା ଭଳି ଅତିରିକ୍ତ ପଦକ୍ଷେପ ଗ୍ରହଣ କରିବାର ଆବଶ୍ୟକତା ନାହିଁ। ନ୍ୟୁଜ୍ ଏସିଆ ରିପୋର୍ଟ ଅନୁଯାୟୀ, ଶୁକ୍ରବାର ଉତ୍ତର ସିଙ୍ଗାପୁରର ଜଙ୍ଗଲରେ ଏକ ସ୍ୱାସ୍ଥ୍ୟ କମ୍ପ୍ଲେକ୍ସ ଉଦଘାଟନ ଅବସରରେ ଓଙ୍ଗ କହିଛନ୍ତି, ସଂକ୍ରମଣ ସାମାନ୍ୟ ବୃଦ୍ଧି ପାଇପାରେ, କିନ୍ତୁ ମୁଁ ଭାବୁଛି ଏହା ଏହି ଲହରର ଶୀର୍ଷ।
୬ରୁ ୭ ପ୍ରତିଶତ ସଂକ୍ରମିତ ରୋଗୀ
ହସ୍ପିଟାଲରେ ୧୦ ହଜାର ଶଯ୍ୟା ବିଶିଷ୍ଟ ସ୍ୱାସ୍ଥ୍ୟ ବ୍ୟବସ୍ଥା ରହିଛି। ୬୦୦ ରୁ ୭୦୦ ଶଯ୍ୟା ରହିବା ଅର୍ଥ ୬-୭ ପ୍ରତିଶତ ଶଯ୍ୟା ସଂକ୍ରମିତ ରୋଗୀଙ୍କ ଦ୍ୱାରା ଭର୍ତ୍ତି ହେଉଛି, ଯାହା କିଛି କମ୍ ନୁହେଁ। ଏହା ଆମର ସ୍ୱାସ୍ଥ୍ୟକର୍ମୀ ଏବଂ ଆମ ବ୍ୟବସ୍ଥା ଉପରେ ବହୁତ କାମର ଚାପ ପରି ଅଟେ। ବିଶେଷଜ୍ଞମାନେ କହିଛନ୍ତି ଯେ ସଂକ୍ରମଣ ମାମଲା ତୁଳନାରେ ଡାକ୍ତରଖାନାରେ ଭର୍ତ୍ତି ହେବା ଏବଂ ନିବିଡ଼ ଯତ୍ନର ଆବଶ୍ୟକତା କମ୍। କ୍ରମାଗତ ୪ ସପ୍ତାହ ଧରି ସଂକ୍ରମଣ ବଢ଼ିବାରେ ଲାଗିଛି। ନଭେମ୍ବର ୧୨-୧୮ରେ ସଂକ୍ରମିତଙ୍କ ସଂଖ୍ୟା ୧୦,୭୨୬ ଥିବା ବେଳେ ଡିସେମ୍ବର ୧୦-୧୬ରେ ଏହା ୫୮,୩୦୦କୁ ବୃଦ୍ଧି ପାଇଛି।