ଭୁବନେଶ୍ୱର : ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ଆସାମର ପୂର୍ବତନ ରାଜ୍ୟପାଳ, ବିଶିଷ୍ଟ ସାହିତ୍ୟିକ, ବିକଶୀତ ଓଡ଼ିଶାର ପ୍ରକୃତ ବିନ୍ଧାଣୀ ସ୍ୱର୍ଗତ ଜାନକୀ ବଲ୍ଲଭ ପଟ୍ଟନାୟକଙ୍କ ୯୨ ତମ ଜୟନ୍ତୀ ଉପଲକ୍ଷେ ଗତକାଲି ଓଡ଼ିଶା ପ୍ରଦେଶ କଂଗ୍ରେସ କାର୍ଯ୍ୟାଳୟ କଂଗ୍ରେସ ଭବନ ଠାରେ ବିଶିଷ୍ଟ ବ୍ୟକ୍ତିମାନେ ଭକ୍ତିପୂତ ଶ୍ରଦ୍ଧାସୁମନ ଜଣାଇଥିଲେ।
ପ୍ରଦେଶ କଂଗ୍ରେସ ସେବାଦଳ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଅଧ୍ୟକ୍ଷ ଡଃ ଆର୍ଯ୍ୟ କୁମାର ଜ୍ଞାନେନ୍ଦ୍ରଙ୍କ ପୌରହିତ୍ୟରେ ଅନୁଷ୍ଠିତ ଜୟନ୍ତୀ ସଭାରେ ଶ୍ରଦ୍ଧାଞ୍ଜଳି ଜଣାଇ ବରିଷ୍ଠ କଂଗ୍ରେସ ନେତା ଶିବାନନ୍ଦ ରାୟ କହିଲେ ଯେ ଜାନକୀ ବାବୁଙ୍କ ୧୪ ବର୍ଷର ଶାସନ କାଳରେ ଶିକ୍ଷା, ସ୍ୱାସ୍ଥ୍ୟ, ପର୍ଯ୍ୟଟନ, ଶିଳ୍ପ ଗମନାଗମନ କ୍ଷେତୟରେ ଦୃତ ଭିତିଭୂମି ପଡ଼ିଥିଲା।
ଯାହା ଉପରେ ଆଜିର ଶାସକମାନେ ବାହାଦୂରୀ ନେଉଛନ୍ତି। ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ, ପୂର୍ବତନ ସାଂସଦ ଅନନ୍ତ ପ୍ରସାଦ ସେଠୀ, ପିସିସି ଉପସଭାପତି ଶ୍ରୀ ଶିବାନନ୍ଦ ରାୟ ଜାନକୀ ବାବୁଙ୍କୁ ବିକଶିତ ଓଡ଼ିଶାର ପ୍ରକୃତ ବିକାଶ ପୁରୁଷ କହିବା ସହ ତାଙ୍କ ୧୪ ବର୍ଷ ଶାସନ ଓଡ଼ିଶା ପାଇଁ ସୁବର୍ଣ୍ଣଯୁଗ ବୋଲି କହିଥିଲେ।
ପୂର୍ବତନ ବରିଷ୍ଠ ପ୍ରଶାସକ ପଂଚାନନ ଦାସ ସ୍ୱର୍ଗତ ଜାନକୀ ପଟ୍ଟନାୟକଙ୍କୁ ଜଣେ ଦୂରଦୃଷ୍ଟି ସମ୍ପର୍ଣ୍ଣ ନେତା ବୋଲି କହିଥିଲେ। ଅନ୍ୟମାନଙ୍କ ମଧ୍ୟରେ କଂଗ୍ରେସର ସାଧାରଣ ସମ୍ପାଦକ ଚିନ୍ମୟ ସୁନ୍ଦର ଦାସ ଓ ମୁଖପାତ୍ର ମନୋରଞ୍ଜନ ଦାଶ କୃଷକ ମାନଙ୍କ ସାମଗ୍ରୀକ ଉନ୍ନତି ପାଇଁ ସେ ଜଳସେଚନକୁ ସବୁଠାରୁ ଗୁରୁତ୍ୱ ଦେବା ସହ ଶସ୍ୟ ସଂରକ୍ଷଣ ପାଇଁ ୪୭ ଗୋଟି ଶୀତଳ ଭଣ୍ଡାର ପ୍ରତିଷ୍ଠା କରିଥିଲେ। ବର୍ତମାନ ସରକାର ବିକାଶର ଡେଙ୍ଗୁରା ପିଟୁଛନ୍ତି କିନ୍ତୁ ଓଡ଼ିଶାରେ ଶୀତଳ ଭଣ୍ଡାର ସଂଖ୍ୟା ୭ ରେ ପହଂଚାଇଛନ୍ତି।
ଅନ୍ୟମାନଙ୍କ ମଧ୍ୟରେ ରାଜ୍ୟ ଯୁବ କଂଗ୍ରେସ ସଭାପତି ରଣଜିତ ପାତ୍ର, ଜାନକୀ ବାବୁଙ୍କୁ ଯୁବ ନେତୃତ୍ୱ ସୃଷ୍ଟିର ମହାନାୟକ ବୋଲି ବର୍ଣ୍ଣନା କରିଥିଲେ। ଛାତ୍ର କଂଗ୍ରେସ ସଭାପତି ୟାସିର ନୱାଜ ସ୍ମୃତି ଚାରଣ କରି କହିଲେ ଯେ ଛାତ୍ର ମାନଙ୍କର ସର୍ବାଙ୍ଗିନ ଉନ୍ନତି ସହ ଭବିଷ୍ୟତ ଗଠନରେ ଛାତ୍ର ମାନଙ୍କ ଭୂମିକା ପ୍ରତି ସଚେତନ ଥିଲେ।
ଅନ୍ୟ ମାନଙ୍କ ମଧ୍ୟରେ ରଞ୍ଜିତ ପାତ୍ର, ଆଲୋକ ମହାନ୍ତି, ଅଜୟ ସାହୁ, ମିହିର ଆଚର୍ଯ୍ୟ, ଜ୍ୟୋତିଷ କୁମାର ସାହୁ, କୁଳମଣି ସାହୁ, ମହମ୍ମଦ ସାହାଦୁଲା, ବଟକୃଷ୍ଣ ରାଉତରାୟ, ପ୍ରସନ୍ନ କୁମାର ପାଇକରାୟ ପ୍ରମୁଖ ଶ୍ରଦ୍ଧାଞ୍ଜଳି ଦେଇଥିଲେ।