ନୂଆଦିଲ୍ଲୀ: ଆରବ ସାଗରରେ ଆଉ ଏକ ମାଲବାହୀ ଜାହାଜକୁ ଅପହରଣ କରିବାକୁ ଉଦ୍ୟମ କରାଯାଇଛି। ୪ ଜାନୁଆରୀ ସନ୍ଧ୍ୟାରେ ୫-୬ ଅଜ୍ଞାତ ସଶସ୍ତ୍ର ଲୋକ ଜାହାଜରେ ଚଢିଥିବାର ସୂଚନା ମିଳିଥିଲା। ଏହି ଜାହାଜରେ ଲାଇବେରିଆର ପତାକା ଥିଲା। ଜାହାଜକୁ ସାହାଯ୍ୟ କରିବା ପାଇଁ ନୌସେନା ଏହାର ଯୁଦ୍ଧ ଜାହାଜ INS ଚେନ୍ନାଇ ପଠାଇଥିଲା।
ଜାନୁଆରୀ ୫ ତାରିଖରେ ନୌସେନା ବିମାନ ଜାହାଜ ଉପରେ ଉଡ଼ିଥିଲା ଏବଂ ଜାହାଜର କର୍ମଚାରୀଙ୍କ ସହ ସମ୍ପର୍କ ସ୍ଥାପନ କରିଥିଲା। ଜାହାଜର କାର୍ଯ୍ୟକଳାପ ଉପରେ ନୌସେନା ବାହିନୀ ନଜର ରଖିଛନ୍ତି। କୁହାଯାଉଛି ଯେ, INS ଚେନ୍ନାଇ ଜାହାଜ ନିକଟରେ ପହଞ୍ଚିଛି।
